專人由上海運抵的 ... 陽澄湖大閘蟹

正值大閘蟹的季節，成為蟹痴的朋友M 到上海工幹

當然買番 D 正宗上海陽澄湖大閘蟹 ... 返嚟做手信喇

好大隻的大閘蟹 ... 有我隻手咁大隻的

正宗陽澄大閘蟹，每隻都有標籤的 ... 連蟹身都印有數字的 (我諗係仿偽標記)

今次仲試新的煮法 ... 籠仔蒸大閘蟹

記住紫蘇葉要放在熱水中的

一向唔鍾意食雌蟹的我 ... 今次真係要改觀 ... 原來雌蟹都好好食的

雌蟹的肚是圓臍的 ...

嘩 ... 蟹膏多到呢，填滿成隻蟹咁

而蟹膏較硬較有咬口，但亦都有好似雄蟹咁較 creamy 的蟹膏
 ... 兩種口感的蟹膏隻於一身，好特別

食完雌蟹 ... 再食我的至愛蟹公先

雄蟹的肚是尖臍的 ...

一樣咁多蟹膏，蟹膏又係填滿成隻蟹

雄蟹的膏同雌蟹唔同的，多了半透明的蟹膏 ... 好 creamy 的

我至愛的大閘蟹 ... 正宗的陽澄湖大閘蟹 ... 真係好食好多

真係食咁多大閘蟹 ... 至好食的一次

好食到連蟹腳都 "輪" 埋 ... 連蟹肉都鮮甜 D 的

正宗韓國燒烤 @三木韓國料理

本來想去 蔡 SAN 推介的錦城食韓燒 ... 但勁多人 ... 冇位
改去附近的 三木韓國料理 ... 兩個人坐張八人枱 ... 勁舒服

兩個人都比 8 款前菜 ... 咁多
除了有成日食的辣泡菜、炆薯仔、芽菜、抄粉絲等
最特別的有 ... 煎薄餅及魚仔 ... 好少有的

兩個人食得唔多 ...
只點了兩碟肉，牛西冷及豬五花 ... 兩款肉都冇加醃料 ... 咁至食到肉的鮮味

以前好少食豬肉燒烤，覺得豬肉要燒好耐至熟，肉質又靭又嚡口 >.<
直至遇上它 ... 豬五花 ... 就愛上了

薄切的豬五花 ... 不須燒好耐就食得
... 我就鍾意烤耐少少，脆卜卜至香口 ... 好 yummy、好 juicy 的豬五花

未燒前的豬五花 ... 一層肥肉一層豬肉看很吸引呢

平時食燒烤都會配白飯，但點菜的姐姐極力推薦呢個蔬菜+辣醬 set

生菜 + 芝麻葉 + 特製辣醬
... 呢個特製辣醬應該係店舖自家製的，上枱時仲係熱的

仲教我地正宗韓式燒烤食法 .... 用蔬菜包住烤肉再加特製辣醬來吃
... 真的比配白飯好食好多

而用芝麻葉包烤肉好食過生菜，因為芝麻葉有一陣好特別的香味
... 包住肉來吃冇咁油膩 ... 仲可以食多兩件

至於個特製辣醬由很多配料混製，有蔥、蒜、辣椒等，唔太辣，咸了少少，但加埋烤肉及菜就啱啱好

食埋水果就 perfect ... 西瓜送的 ... 但得一片唔多夠喉