是日午餐 ... 大閘蟹 @Office

今日的午餐好豐富 ... 估下我食咩???

我的至愛 ... 大閘蟹

在 Office 煮飯仔，當然用最方便及最安全的無火煮食 ... 電磁爐

老闆好濶焯，買 HK$400 一斤果款陽澄湖大閘蟹 (一斤約有 2.5隻)  ... 有標籤的

每人食了 2 隻 ... 仲剩了 6 隻在雪櫃

今日的午餐 ... 大閘蟹

我食了一隻雌蟹及一隻雄蟹

淨食大閘蟹唔飽的 ... 仲有呢 3 盒抄飯及抄河

仲有買蟹送的花雕酒 + 酸梅

仲有薑茶湯丸 ... 唔記得影相 >.<

專人由上海運抵的 ... 陽澄湖大閘蟹

正值大閘蟹的季節，成為蟹痴的朋友M 到上海工幹

當然買番 D 正宗上海陽澄湖大閘蟹 ... 返嚟做手信喇

好大隻的大閘蟹 ... 有我隻手咁大隻的

正宗陽澄大閘蟹，每隻都有標籤的 ... 連蟹身都印有數字的 (我諗係仿偽標記)

今次仲試新的煮法 ... 籠仔蒸大閘蟹

記住紫蘇葉要放在熱水中的

一向唔鍾意食雌蟹的我 ... 今次真係要改觀 ... 原來雌蟹都好好食的

雌蟹的肚是圓臍的 ...

嘩 ... 蟹膏多到呢，填滿成隻蟹咁

而蟹膏較硬較有咬口，但亦都有好似雄蟹咁較 creamy 的蟹膏
 ... 兩種口感的蟹膏隻於一身，好特別

食完雌蟹 ... 再食我的至愛蟹公先

雄蟹的肚是尖臍的 ...

一樣咁多蟹膏，蟹膏又係填滿成隻蟹

雄蟹的膏同雌蟹唔同的，多了半透明的蟹膏 ... 好 creamy 的

我至愛的大閘蟹 ... 正宗的陽澄湖大閘蟹 ... 真係好食好多

真係食咁多大閘蟹 ... 至好食的一次

好食到連蟹腳都 "輪" 埋 ... 連蟹肉都鮮甜 D 的