UA-44988812-1

My favorite post ~ 親子郊遊樂 ... 點滴揹水行2012 @山頂

2017年2月28日 星期二

【🍓全部都是士多啤梨】士多啤梨蛋卷 ♥ 士多啤梨麵包 ♥ 士多啤梨惠方卷 ♥ 士多啤梨三文治

現在是日本士多啤梨的當造期
日本的士多啤梨又大又香甜,除了就咁食,亦有很多以士多啤梨做的糕點



我們農曆去關西玩了幾日
由於搭乘廉航無飛機餐食,我們幾個為食怪一落機已經好肚餓
趁著儍爸在關西空港排隊停拎 JR pass 的時候,我們就去了搵食喇 !!!

日本的便利店好多美食
我們在關西空港的 Lawson 買了兩款士多啤梨麵包食住先


Yamazaki 的士多啤梨蛋卷 125YEN
外層的蛋糕好濃的蛋香又鬆軟,食落去有點似蛋糕又有點似麵包
裡面包著幼滑的士多啤梨忌廉和酸甜的士多啤梨果醬
好味到番轉頭再買多件 ... 但是已經售罄了

之後,每次入去 Lawson 都會特別搵這件咁好味的士多啤梨蛋卷
但是都搵唔番 ...


脆皮士多啤梨忌廉包 135YEN


麵包裡面有一層白色的忌廉和粉紅色以為是士多啤梨醬,但其實是甜的栗子蓉
外皮好似蜜瓜包的脆皮咁,但換了士多啤梨味脆皮
成個麵包味道較淡,士多啤梨味也不太突出,都是靠外層甜甜的士多啤梨脆皮至有味 ...


旅程最後一日是大年初七,是中國傳統的『人日』
這日咁啱亦是日本傳統的『節分』
日本傳統會在這日向著有利方位,食著惠方卷祈願

我們咁啱大年初七就在日本
所以亦都入鄉隨俗在 Lawson 買了件惠方卷 390 YEN 來食
惠方卷入面有七種食材,代表七福神,象徵把福氣捲起來吃掉,並去災避邪

這件惠方卷餡料有燒鰻魚、青瓜、雞蛋、椎茸、高野豆腐 ...
盒面仲細心的標明這年的有利方位『北北面』,我們又點會理會什麼方位,開盒就食 ...
希望這件在京都清水寺祈願過的海苔做的惠方卷可以為我你招福除災 


除了惠方卷亦在 Lawson 買了件『節分限定』的士多啤梨蛋糕卷 360YEN
蛋糕有蛋香又鬆軟,忌廉香滑不太甜膩,味道不錯
稍嫌士多啤梨少了點,如果可以加多點士多啤梨就好喇 !!!


一入到大阪阿陪野某個超級市場就被紅卜卜的士多啤梨三文治吸引了過去
200YEN 一份唔算貴,麵包裡面不只夾了忌廉和士多啤梨,仲有微酸的菠蘿
所以食落去無想像咁甜膩,都幾好食,但不是我杯茶 ...



** 以上分享是以我的口味、喜好及情況作出分享和感受,一試 / 合用與否請自行決定


2017 日本關西鐵道遊

沒有留言 :

張貼留言

Related Posts Plugin for WordPress, Blogger...

我的大魔怪‧小公主

我的小魔怪‧小王子