為了奬勵我們咁乖，就去了附近的大坑搵食
大坑好多美食
這日我們就去了 The Pudding Nouveau 食法國菜
因為想食它們新推出的 龍蝦焦糖燉蛋配龍蝦肉燒蘑菇
好豐富喔 !!!
有半隻開邊波士頓龍蝦，裡面的龍蝦肉已起肉及切粒
爽口彈牙的龍蝦肉混合香濃惹味的燒汁蘑菇粒
配埋烘到脆卜卜的香草麵包一起食，真是好好味呀 !!!
而隔離這份龍蝦焦糖燉蛋真是好特別
面層與平時食的焦糖燉蛋無分別，是一層薄脆的焦糖
但下面滑溜的燉蛋是以新鮮龍蝦湯做的 ... 不是甜的而是咸味的 ... 仲有龍蝦的鮮甜味
又咸又甜、又脆又滑 ... 好特別又搭配的組合
另外，亦點了份 珍寶龍蝦仔牛角酥配薯條
大大隻的牛角酥烘到外面少少脆，但裡面仍鬆軟，仲暖烘烘的
仲好足料呀 ... 裡面有好多龍蝦仔
而本來較膩的蛋黃醬配埋爽脆的蔬菜和蕃茄
除了減去膩滯感，也增加口感和多了份清新的味道
兩隻小魔怪點了兩杯清新又透心涼的飲品 ... 青蘋果沙冰 和 薄荷青檸梳打
我的 Flat White ... 睇見美美的心心拉花，心情都靚點 ~~
The Pudding Nouveau 店子小小，約容納 20 人，店員親切，環境又舒服
The Pudding Nouveau
香港 大坑京街 17A 地下
** 以上是以我的口味、喜好和情況作出分享和感受，一試 / 合用與否請自行決定
沒有留言 :
張貼留言