周末無所事事最好就是去嘆個下午茶
又好掛住 UCC Cafe 杯咖啡
就去了紅磡海逸坊 的 UCC Cafe 嘆個 TEA
商場人流不多，餐廳也不需等位，去到就可以入座
蠻喜歡 UCC Cafe 的環境 ... 環境清淨，座位又夠舒適 ... 至啱嚟嘆個悠閒的下午茶
Tea Set 的選擇也多
我們點了 3 份下午茶餐 + 1 件 cake
我的 ... 鮮橙焦糖法式多士 ... 先來喔 !
睇個名以為是西多士配鮮橙焦糖醬，原來是鮮橙水果粒配焦糖醬
橙橙綠綠的鮮橙及奇異果粒配埋煎到甘黃色四四方方的多士粒 ...賣相不錯
外層香脆裡面鬆軟的多士粒，帶有濃濃的牛油香，我鍾意醮少少忌廉及焦糖醬伴食
另外，囡囡也點了客 ... 蜜糖檸檬法式多士
多士磚配蜜糖檸檬醬、雲呢嗱雪糕及忌廉 ... 啱哂鍾意食雪糕及多士的囡囡，一次過食哂兩款
甜甜酸酸的蜜糖檸檬醬不太甜又有檸檬香，配多士食不會膩
儍爸的 ... 鮮果夾餅 ... 好豐富呀 !!!
有夾餅、鮮果及雪糕，薄身的窩夫又烘得外脆內軟
鍾情綠茶的囝囝點的 ... 北海道綠茶千層蛋糕
裡面的綠茶夾心不太甜，仲好 creamy 及濃濃的綠茶香 ... 配少少煉奶食仲好味
其實，嚟 UCC Cafe 的主要原因都是因為這杯咖啡
... 愛 UCC 咖啡的純厚香醇，又夠滑
估不到下午茶 SET 的餐飲都可以點招牌咖啡 ... 單點要 HK$4X ... 真是好抵呢 !
這杯咖啡好有誠意的，用滴濾壺煮的，上枱前在你面前先倒入杯
凍熱咖啡都是咁的 ... 不同的是凍咖啡就倒入加了冰的杯
點了杯凍檸檬茶比兩隻小魔怪
** 以上分享是以我的口味、喜好及情況作出分享及感受，合用 / 一試與否請自行決定
沒有留言 :
張貼留言