西九大戲棚吃到 ♡ 懷舊吹波糖 ♡

一直以為西九大戲棚只得粵戲演出

所以無諗住去逛

但是早前見到一些網友的介紹

原來唔睇大戲都可以入去戲棚裡面參觀的

還有一些具特色的手工藝攤位

好彩在大戲棚拆之前都趕得及去行下

西九大戲棚設於九龍海濱長廊，沿著飄揚的旗幟行不久就到囉

 

入口則有一幅傳統的大牌扁

 

周圍掛滿燈籠

 

今次特登帶兩隻小魔怪來睇下傳統的大戲棚是點的

家姐好鍾意睇大戲 ... 她話鍾意花旦的閃閃的頭飾及衣飾

每當屋企附近的球場搭棚，她會特別留意戲曲表演時間，要我們帶她去睇大戲

 

這個戲棚真是好大 ... 都是由竹枝及木板搭成

 

連小食亭也很有懷舊 feel

也有民間傳統藝術攤位

這些揮春都是用人手撕出來的 ... 好利害喔

 

最吸引兩隻小魔怪的是門口的懷舊小食攤位
放滿造型可愛的波板糖又真是幾吸引的

民間傳統吹波糖 ... 儍爸話他小時候也食過，但我點解無食過的 ...

玩得又食得的吹波糖盛惠 HK$8 

有 3 款口味任揀 ... 白色雲呢嗱味、綠色哈蜜瓜味及粉紅色西瓜味

伯伯先先將糖捏成水滴狀，再將糖拉出一條管線

囝囝就要在糖膠變硬前，從吹管吹氣吹出波波

可惜，他怕熱不敢吹下去

糖膠很快就變硬不可以造型囉

不過，伯伯好好呀 ... 即刻再捏多一團糖膠比囝囝再試過

今次成功吹出波波囉 ... 可以換個細奬 ... 波板糖一支

 

家姐也有挑戰吹波糖的

但個波波都是吹得不夠大 ... 也是換了個細奬

 

 懷舊傳統小食又點少得龍鬚糖、麥芽糖餅及飛機欖 ~~

 ** 以上分享是以我的喜好作出分享及感想，合用 / 一試與否請自行決定