早前，收到一張很特別的邀請咭
是之前提及過的『宜家瞓身大派對』的活動隻熊仔好 cutie
他戴著的眼罩特別 tailor-made 比我的
... 有我個名的 ... 活動當日可以戴著嚟瞓
講真 ... 真的幾期待這個活動的
但今次是一個過夜的活動
不只有得食、有張繼聰及糖妹一起玩遊戲、仲有得瞓 tim
... 有點去 camp 的感覺
陪我一起出席的的親友 ... 當然是老公大人喇
10月5日七時準時到達『荃灣如心海景酒店朁會議中心』會場登記
大會貼心到為每位參加者準備埋 T-shirt、牙刷牙膏等用品
入到會場都幾震撼 ... 也佩服 IKEA 團隊 ...
可以將一個大型會議室佈置成一個咁舒適的睡眠環境
這裡有 50 張雙人床 ... 100 位參加者一起在這裡享受一夜好眠
其它地區的 IKEA 也參辦過睡眠體驗夜
但它們都是在 IKEA 舖頭裡面瞓的
今次香港 IKEA 想多些參加者一起玩一起體驗
所以今次衝出舖頭，在這個大型的會議廳舉行
我及老公這晚就在這處渡過喇
床單、床褥及枕頭都是根據我地的睡眠習慣及體型特別為我地挑選的
習慣仰睡的我及習慣側睡的老公用的枕頭都不同的
床褥也是因應我地的睡姿及體重揀選的
之後，首先 set 好自己張床 ... 今晚至有覺好瞓 Zzzzzzz
我地被編派到 13 號床 ...這個位置不錯的，是前排位嚟 ... thanks PR 姐姐的安排
現場仲有 live music
執好床後，舒舒服服 hea 在床聽住音樂睇書 ... so relax
介紹埋會場其它地方 ... 客廳
飯廳裡還預備了餅乾、薯片、水果和飲品等小食
各位參加者都執好床，準備下個節目囉
就是由大會司儀朱薰和 Donald
還有星級嘉賓糖妹和張繼聰一起玩遊戲
玩遊戲當然有禮物 ... 這個咁 cutie 的 cushion 就是奬品喇
仲講解了一些挑選床褥丶枕頭等床上用品的貼士
在買床褥時，不妨先試瞓，試瞓 15-20分鐘便足夠
還要注意脊骨，與床褥成水平線才對
試床時要感覺床褥是緊貼腰骨，但又不會壓著
又可以試吓將手攝入腰骨，睇吓罅位是鬆動或緊，不太鬆、不太緊便最適合喇
另外，也可以試吓用北歐式的多層次鋪床法去提升睡床舒適度
首先，為床褥鋪上床笠，在上面加一張包着床單的床褥墊
然後放上喜愛及適用的被及枕頭就得喇
之後，當然是糖妹和張繼聰的 show time
平時去演唱會坐住睇 ?! 企住睇 ?!
但我地今次就是 瞓住睇 ... 瞓在床度睇表演都是第一次 
睇 concert 有握手時間 ... 我地都有的
糖妹和張繼聰唱唱吓都有落台繞過床邊與我地握手的
玩完遊戲，睇完表演就要靜靜的培養情緒去瞓覺囉
大會安排了套人人都啱睇的卡通
Toy Story 3 陪我地瞓
老公大人就好寫意的食住薯片飲住果汁睇戲
張床總在太舒服囉 … 我睇了一陣就瞓著了
起身還安排了健康教練與大家齊齊做早操鬆鬆筋骨
食埋個豐富的早餐，就要執床囉
這些全部都是陪伴我地渡過一夜好眠的睡房系列用品
全部執好哂 … 拎哂這些禮物返屋企
More information :
IKEA Hong Kong Official Website www.ikea.com/hk
沒有留言 :
張貼留言