好食推介 ... 爐端燒日本相樸手日式放題

又與一班為食同事出動喇!!!
今次食的是爐端燒日本相樸手日式放題午餐
只是週末、週日及公眾假期至有的 (由 12:00 至 2:30PM)
HK$380 一位真是有點貴的 ... 但現在有三位送一位的推廣優惠 ... 好吸引呢!!!
加上爐端燒日本餐廳入選為2009年米芝蓮精選食肆 ... 值得一試的 :)

「爐端燒」是本港少有的正宗傳統日式燒烤餐廳，依足日本傳統的爐端燒店格局
各樣新鮮的材料如大蝦、西冷牛扒、銀鱈魚、露筍、金菇及串燒都擺放在燒烤爐前的櫃面上

食客在餐紙上揀選喜愛的食物後，師傅便彎身在前面的食材裡揀選合適的即席放在爐端裡燒

 

之後師傅用木製長槳將燒物奉送到食客的跟前 ... 用木槳送遞的原因，原來也有一段古

話說日本皇帝當出巡時到訪民間小店如爐端燒等店子時
皇帝甘願屈尊降貴，百姓們也不敢正面瞻視尊貴的皇帝，於是只好透過木槳遞遞食物給他

每人包一杯免費飲品 (飲品有汽水、桃味、提子及青蘋果蘇打可供選擇
 ... 我們點了提子梳打及桃味梳打



每人送醃鮑魚一隻 ... 這個是兩人份 :)

五人份的刺身拼盤 ... 得一份咋，不可以添的



爐端燒的食物都要師傅慢慢的用心燒，先點前菜及天婦羅邊食邊等

海藻沙律 ... 酸酸地又不腥，仲好開胃
天婦羅盛合 ... 有蝦、茄子及南瓜
蟹子沙律、炸蠔、汁煮豆腐 ... 都不錯

 ❤ 燒大蝦 - 大蝦新鮮爽口，咸咸香香的，encore 再 encore

❤ 網燒西冷牛扒 -  肥瘦適中的高級西冷牛扒，好 juicy

我唔鍾意太熟會靭的，七成熟就啱啱好



❤ 銀鱈西京燒 - 銀鱈魚的油脂甘香肥美，魚肉很滑，皮燒到香脆，加上秘製甜醬汁，好味道

❤ 燒雞翼 - ＋分之香脆，好味。慢火烤製既用心之作, 慢火烤製後,皮燒得香脆還帶一點咸香

❤ 蘆筍 - 蘆筍加上牛油及海鹽用錫紙包著，直接放在烤爐上燒，蘆筍粗大，最前端的最香甜爽嫩

 ❤燒鯖魚 - 魚皮香脆，有魚味又唔腥，一定要試

最後，食埋甜品就完美喇 ... 仲要是任食的

❤ 抹茶雪糕 - 好香濃的抺茶味，一定要試喔 !

柚子啫喱 - 細細杯，味道較淡，一試無妨

白芝麻布甸 - 無咩芝麻味，似豆腐布甸多D，不過都好香滑又不太甜 ... 但同事又勁讚好食

爐端燒日本餐廳 Robatayaki Japanese Restaurant
紅磡 德豐街 22 街 海濱廣場二期地下

這個日本相樸手放題午餐只做到7月底，想試就要快喇 !!!