病榻中的桐桐表姐

本來今日大家約好去婆婆屋企提早食中秋節餐飯, 但改期了

因為桐桐表姐呢兩日喉嚨發炎及持續發高燒

昨日打左特效針都唔退燒

加上近日有幾個兒童無故病逝

姨姨好擔心, 所以聽醫生說話將表姐留院觀察

傻媽及婆婆今日去左醫院探佢

去到兒科病房

見到平時活潑好動又多野講的桐桐隻左手插住喉...吊鹽水瞓在病房上 ....

傻媽好心酸, 真係好希望病果個係我

最初真係好驚 ... 同佢講野又唔應喎, 平時佢講野大大聲, 把聲又響亮喎

好彩, 當姨姨使出絶招, 桐桐即刻彈起身, 仲同傻媽一齊玩

登  登  登 ..... 就係呢套像真度極高的木製蛋糕玩具

亦因為呢套新買的玩具, 桐桐至肯乖乖住院咋

桐桐快 D 好番呀, 表弟表妹要同你一齊食雪糕月餅