Annual Dinner

2008年的新開始勁忙碌, 除了要農曆年前趕起個世紀裝修, 仲要統籌公司年夜飯的事宜, 呢 2 個星期都成 8:00 至收到工.

年年都係淘大鴻X食, 但今年個傻人幫我留錯日子, 而26/1又係好日, 揾唔到另一間酒樓, 侷住係紅磡鴻星. 但呢間鴻星真係麻麻地, 碟頭細, 味道差, 樓底矮地方焗促, 房間細, 個台放左禮物又冇位企, 待應返應慢及冇common sense.

我的同事去到打麻雀叫佢比杯雪碧, 佢好好咁提我開席前飲品唔包要比$$, 我話 OK, $$我比同我攞 30 罐汔水, 我就係咁等左20分鐘催左3次, 佢先問除了雪碧, 要唔要可樂 ....... 唉, 咁都要問

今年的禮物好豐富, 全部都想要, 有 2 部 wii, 2 部 PSP, 2 部 NDS, 2 部 DVD recorder, 32" TV等........ 2 份 1 機會我都抽唔中