好耐無去荃灣愉景新城逛，上星期六就去逛下
咁啱撞正一年一度的『韓國十月文化節』的活動 ... 品味韓流
場內有 K-Product、K-Food、K-Travel 和 K-Culture Experience
見我個 blog 不時 update 之前的首爾遊記，就知我有幾 Enjoy K-Style ...
為食的我首先逛韓國食品區
睇吓有咩至筍的韓流食品買返去與儍爸和兩隻小魔怪一起分享
有儍爸至愛的即食人蔘雞湯，儍媽至愛的柚子茶和囡囡至愛的蜂蜜牛油薯片
也有囝囝至愛的香蕉奶
不只香蕉奶，仲有士多啤梨奶、蜜瓜奶 ... 仲要是 Line Friends 特別版 ~ ~
韓國食品當然不少得最具代表的百草之王『高麗蔘』
除了原條高麗蔘、還有蜂蜜高麗蔘切片、高麗人蔘粉末 ...
我還參加了由韓國著名大廚兼 Jang 韓式餐廳創辦人 Sangjoon Lee
親自教授傳統的 Kimchi 工作坊
這盒就是我親手整的泡菜，特別好味的
泡菜除了就咁食，仲可以用嚟抄菜、抄飯、抄麵、抄年糕 ...
之後，睇下韓國化妝和護膚品
Honey Jelly Mask ... 敷完應該好滋潤
我最感興趣的是韓方全天然防脫髮產品 LMW Korea
成份取自天然草本和植物，由專門治療脫髮和頭皮疾的韓國著名醫研發而成
Hug Baby Line 含有嫩蘆薈成份、100% 天然及無添加有害成份的嬰幼兒護膚系列
可以放心比你的寶寶使用囉 !!!
Design Skin 曾榮獲多項品質認證及設計大奬的萬用多功能墊
不只設計美觀仲好好玩咁 ... 連已經超齡的囝囝囡囡都被它吸引著，想試吓坃呢 !!!
我就鍾意這套兒童梳化和枱
粉紅色的兔仔梳化、粉藍色的恐龍仔梳化、淺黃色的 bear 梳化，實在太可愛喇 !!!
針對幼兒學習自行進食而設計的 One Child 幼兒餐具的
底部傾斜和碗邊型設計，以保溫物料製造，不怕食物放涼
坐墊式嬰兒背帶是囝囝囡囡嬰孩時最愛用的揹帶
原來韓國都有生產，SINBII 仲要是韓國銷量 NO.1 的坐墊式嬰兒背帶
這個 counter 的鞋很受歡迎，本來睇啱了對但是合碼的都售罄
Smalland 的紅黑色間條 TEE 幾靚，大人細路 size 都有 ... 啱哂鍾意親子裝的朋友
雖然我們冇幫襯，但是韓籍靚女設計師都送了張親手畫的畫像比我和囡囡
另一邊的韓國旅遊區介紹了韓國各地的旅遊資料
看到韓國江原道的人氣滑雪點的資料，真是好想去呀 !!!
在旅遊區仲可以自製韓國傳統 Postcard
只要在 Postcard 上寫上名字，工作人員便會幫你翻譯成韓文名字
更可以將韓文字粒拼湊成自己的韓文名字後印埋在 Postcard 上面
參加泡菜工作坊仲送了份美食禮品包
有 Honey Nuts、柚子啤酒、蜜桃味菠蘿味啤酒和韓牛
香甜的蜜桃和菠蘿味啤酒，味道清新，一大班朋友食蒸海鮮鍋和火鍋時飲就至爽
真是太感謝大會 !!!!
送了這件韓國人心目中的牛王 ... 橫城韓牛 ... 比我們品嚐
好味的韓牛不可以煎太熟、先煎香韓牛表面，裡面肉質就又嫩又多汁
韓牛肉味香醇，肉質又軟又嫩帶咬口
橫城韓牛多次被韓國政府選為招待外國元首的牛肉
產量少得連橫城以外的地區也不易食到
但是現在橫城韓牛正式出口至香港 ... 香港人有口福喇 !!!
** 以上分享是以我的口味、喜好和情況作出分享和感受，一試 / 合用與否請自行決定
沒有留言 :
張貼留言