順利邨公園

之前坐車途經呢度, 被攀石牆吸引, 上網揾到原來呢度係順利邨體育館, 有圖書館, 室內及室外兒童遊戲室, 體操場, 設備好齊備, 梗係要嚟見識吓.

帶備足夠零食, 出發

我呢個大鄉里, 睇電視就見得多, 第一次見到咁大及設備齊全的體操場, 有彈床, 鞍馬, 單槓 ....., 仲有體操課程, 睇吓有冇啱家姐上先

而家的公屋真係好幸福, 隔離就有個咁正的室內兒戲遊戲室, 周圍有軟綿綿的墊, 又有冷氣嘆, 夏天入嚟玩, 幾咁正 ~~ 仲要係免費, 我屋企樓下個會所都冇咁正 ~~ 下次帶埋細佬嚟玩先

海盜船滑梯

史迪仔沙搥扭蛋 ~ $5, 家姐話扭比細佬玩喎!!!