欣慰

唉 .... 雖然知道敎育署提早放幼稚園及小學的復活節假期, 係為左避免流感擴散, 為小朋友好, 但 D 小朋友成日困係屋企又幾悶.

家姐上星期 6 點半打嚟問我收工未, 又話天黑啦, 快D返番陪佢 ...... 所以都盡量早D, 但而家打工仔好多時要OT, 好難 6 點正就可以收工

家姐長大喇, 仲幫我照顧細佬, 反而我只識發脾氣. 事緣........

今晚同家姐做做吓功課 ....... 細佬又搗蛋, 攪住姐做功課, 比紙同筆佢畫畫只係安撫一陣 .......

正當我想鬧細佬的時候, 家姐好醒目咁攞左個玩具比佢, "洗" 開佢, 我地至可以安安靜靜做功課