Unicef 小畫家大夢想繪畫比賽 @ 維園

同事 M 開始放產假, 而我亦開始長短週的生涯

今日短週放假就梳乎, 但下個星期六就慘啦 ... 

長週返朝九晚六, 年廿八又要去婆婆屋企做節, 趕到死

今日雖然唔洗返工, 但節目豐富到呢

三色瑾

今年 K2 親子種植的花花 ~~ 三色瑾

今年的成績好過舊年 ... 

雖然種不出花花, 但起碼冇死到

今次已經好有心機日日澆水及落肥料

家姐仲同佢傾偈 tim, 咁有愛心都種唔出花

點解同事仔會種出咁靚的花花???

鏞記臘味

今日上網幫老細搵鏞記的電話訂枱食晏時

發現佢的臘味都好抵食

 

$25 一隻臘鴨肶咋

咪叫老細食完飯順手買兩隻臘鴨肶及一斤臘肉孝敬我老豆

隻臘鴨肶細細隻, 冇平時買開果 D 咁乾 ... 好似好好味咁

至於臘肉就肥瘦均勻, 一層肥一層瘦 

嘻 嘻 嘻 ... 早知佢唔收番 $$ ... 就買埋臘腸試吓 

公司春茗

都唔知老闆點解咁鍾意百X匯, 年年抽奬的禮物都要係佢到買

買親都係電器, 冇嚟新意 ... 我地最想抽的係現金呀!!!

買咁多野, 梗係要攞番 D 贈品 ... 呢 D 亦都我地的下欄 

今年抽獎的禮物都幾豐富, 有 2 分 1 機會中奬

我的目標梗係頭奬 ~~  4 千蚊的 Lenovo Netbook

但我呢個黑仔邊有咁好彩

抽到個高清盒都算好好的了

 ... 總好過抽到鬚刨, 唔知要嚟做咩

真係介到夜片???

細佬已經連續 11 晚冇賴尿尿係片褲

工人姐姐仲話佢呢兩晚半夜要起身去厠所尿尿

而家問一起身例必問細佬 : 昨晚有冇賴尿尿

佢好得戚咁回答 : 冇, 仲話要係厠所尿尿 tim

果真講得出做得到

蒲崗村道體育館兒童遊戲室

新的一年去吓其他兒童遊戲室玩先

今日揀左新蒲崗道體育館呢個

但呢度完全唔啱駕車人仕, 冇地方泊車 KA

本來諗住我地先落車去玩, 但剛啱遇正清潔時間

唯有先食午飯再嚟過

家姐及細佬非常失望

因為從遠處的玻璃窗見到個粉紅的城堡的屋頂

佢地真係好想快 D 入去玩

所以今日的午餐兩隻小魔怪都食得特別快及乖呢

新年禮物

細佬連續兩晚冇賴尿尿

我諗呢份應該係細佬 2009 年送比我最好的第一份禮物

很多人都話男仔學野會慢 D, 但我覺得又唔係喎

好似介片片咁, 佢只係用左 2 星期就可以介到日間的片片, 而家連出街都可以唔著片褲改著底褲仔

呢 2 晚仲犀利 ... 隔成晚條片褲都冇濕 ... 係咪真係咁快介到夜片呢???

細佬加油!!! 努力!!!

奬勵佢叻叻送架車車比佢先

呢架車車就咁成為細佬的新寵, 就連瞓晏覺都要楂實

中途紮醒唔見左架車車即喊, 攞返比佢楂實架車車又瞓過

呢個車迷 ... 著住件車車衫, 楂住架車車, 瞓在個反斗車王枕頭度 ... 

漏左張反斗車王被被冇用到 tim  

My X'mas Present .. 多謝儍爸

老友 V 到巴黎工幹, 問有冇野要買 ... 

有好多野想買, 但冇 $ 囉 

其實佢年頭去巴黎我已經好想買個呢個 LV Neverful MM

但又唔捨得

諗左成年及加上歐羅又跌左

最重要係佢話唔知下次幾時會再去, 今次唔買冇機會喇

咁辛苦做野為咩 ... 

買份禮物 "tum" 吓自己都好應該啫 

昨夜 gathering 時終於攞埋呢份聖誕禮物 ... 

都可以咁講住的, 因為仲未比 $ 囉 

哈 哈 哈 ... 有新袋用喇

 

Merry X'mas ... X'mas Party with friends

好難得劉生劉太借出元朗大宅舉行呢次聚會

首要條件係唔可以 BBQ, 因為上次的可怕經歷 ... 

燒完野食後, 佢地要用好多好多時間清洗天台地台及樓下的白地板 ... 辛苦哂 

所以今次要勞煩劉太親自下廚 ... 

最操勞都係佢個焗爐 ... 

我諗亦都係佢地入伙以來用得取多的一次

最好食係碟燒羊扒

呢個麵包個樣勁似飄零燕裡面海迪唔捨得食留番比婆婆嗰個麵包

係焗爐攞出嚟, 香到呢, 熱烘烘脆卜卜, 加埋鵝肝醬好味到爆

有冇發覺冇細佬的相呢 ... 

細佬今日發燒呀, 要留係屋企休息

細佬快 D 好返呀, 新年再帶你去街街

聖誕禮物

呢兩個小魔怪咁心急梗係唔可以等到 Boxing Day 至拆禮物

家姐的禮物 ~ ~ 迪士尼公主城堡收銀機玩具 

家姐楂住支假唇膏扮塗唇膏

細佬又攞住個香水樽扮唧香水, 除了幫自己噴, 又幫傻媽及爸爸噴, 勁攪笑

細佬的禮物 ~~ dress up teddies