生日會後傳

小朋友真係有無盡精力, 生日會玩左兩個鐘, 上到屋企仲可以再玩, 我間屋比佢地反轉咁滯!

最乖都係小BB, 乖乖地瞓覺覺

4 歲生日會

一年一度的公主家姐生日會已完滿結束.

好彩生日會係屋企樓下會所搞咋, 昨日攞著 3 大袋食物加用品, 仲有 2 隻小魔怪落到平台突然傾盆大雨, 公主家姐嚇到唔敢行, 要大姑媽抱佢去會所.

地點 : @會所

日期 : 2008 年 7 月 6 日 (星期日)

時間 : 下午 4:30 至 6:30

人數 : 12 成人 及 6 小童

主題 : 公主派對

呢度係比人打桌球的, 地方寬敞及設備齊全, 除了有一張桌球枱外, 仲有飛標玩, BAR 枱又可 SET 成 BUFFET 枱, 最方便係有洗手盆及迷你雪櫃雪凍飲

.....其實呢度可以容納更多人, 我諗大約 30人, 但呢個懶媽媽怕多小朋友場面混亂, 所以只係搵左平時的鐵腳

生日會前傳

家姐好好期待的生日會即將開始
公主梗係要著公主裙
著左公主裙的家姐, 即刻公主上身, 擺出各種公主 POSE 比我地影相

侍從細佬出場喇 ~~ 小心翼翼拖住公主家姐

突然醒起 N 年前買落的公主即影即有相紙, 梗係要影番幾張靚相
可惜, 部機 SHORT 左, 影到兩張相咋

生日帽

家姐真係好期待生日會的來臨，今朝佢同爸爸講好希望生日會可以著貝兒公主裙及戴粉紅色閃令令的皇冠 ..... 嘩! 我諗佢一定有自己個生日會的 picture ... 公主家姐

生日梗係戴生日帽, 但都符合到佢的要求 ... 都係粉紅色閃令令, 又成個皇冠咁 

個 cutie 太陽眼鏡買比細佬

嗰包 bird balloon 好得意ka, 吹脹後成隻雀仔咁 ~~ 不過, 唔知似唔似呢???

水果生日蛋糕

爸爸話好耐冇去將軍澳喎, 順便去聰嫂食甜品先, 佢 d 榴槤班戟及榴槤水晶珠好好味, 拍得住滿記.

但今次想試新野, 叫左薑汁芒果豆腐花, 有芒果粒及黃色的啫喱粒鋪在上面點綴, 一放低已經好想食 .... 掛住食冇影相 tim

家姐叫左個雜果水晶珠, 有好多好多水果粒及芒果汁水晶珠 .... 啱哂家姐仔

個姐姐好似知道家姐就嚟生日咁, 一放低個甜品 .... 又見到家姐仔眼仔碌碌個樣就話 "係咪成個生日蛋糕咁呢, 快 d 許個願啦!!!"

又買左兩件麵包超人背心比細佬 ~~ $60 兩件, 好抵呀!

 

Party Preparation

今個月真係好忙, 今個星期忙著搞家姐的生日派對, 下星期工人姐姐放假返老家 2 星期中 (真係想像唔到冇工人的日子及屋企會變成點???),  仲要籌備月中一家大細沙巴之旅.

生日會已經籌備得七七八八 ....... 好期待家姐見到個生日蛋糕的表情, 因為我地訂左個 好靚靚的 3D 公主生日蛋糕呀! 好好好貴, 成 $190 一磅, 仲要最少訂 3 磅及唔包個公主公仔.

仲有呀! 估唔到佢人仔細細已經有自己的想法, 話說上星期多口問佢想要詳生日蛋糕, 佢諗左一陣就話要一個粉紅色的, 上面有個公主公仔的牌 ~~ 早知佢的要求咁簡單就唔洗用 $6XX 訂個 3D 蛋糕 la, 慳番 la.

橫掂訂左個公主蛋糕, 諗住買埋公主餐具及 decoration 整個公主派對氹吓佢, 但只係用一次又好似好浪費咁, 都係諗吓先.

下午收到爸爸的電話, 話 Melanie 姐姐送左一套公主 Party 餐具比家姐, 好合用呀!! 多謝哂!!! 家姐實開心死.

除左公主, 仲有 POOH & 米奇餐具

 

嫲嫲生日宴

 

 

 

Car Paint

下午個汽車 SALES 攞左支白色的 touch up paint 上嚟比我同事.

咩嚟架????

成支塗改液咁???

OH .... 原來支筆係用嚟補車上面的油.

又幾好喎.

 

金鳳鐵板餐

有時都要讚吓自己 .... 咁慳儉, 幾年前的衫及泳衣都唔捨不得換. 不過, 最難得係仲著得落!!

雖然生左兩隻小魔怪之後, 肥左唔少, 但都係局部肥胖, 肥哂係肚腩及 PAT PAT 度, 挽強著得落的, 但就遮唔到個滿佈肚紋的肚腩.

為左月中沙巴之旅, 一於買過件新的泳衣, 所以今晚同爸爸去左 Shopping 及撐枱腳.

突然好掛住金鳳的鐵板牛扒餐, 由銅鑼灣行到灣仔都係為左食你呢!

好彩, 個熱騰騰的餐包及西冷牛扒餐依然咁好味

Shopping

細佬的片片用哂, 要去入貨

間舖由好就腳的新蒲崗搬左去太子, 地方太左好多及多左好多野賣, 除了 BB 野, 仲有成人用品, 連衛生巾及止汗劑都有. 

D 貨擺得整齊左, 可以慢慢揀, 就係咁 ..... 推住架購物車揀吓揀吓, 就買左仟幾$$

粉粉及尿片一大箱

濕紙巾 ~ 麵包超人濕紙巾好抵 $32 仲有 9 折

點少得細佬仔的零食及餅乾

仲有好香的洗頭水及護髮素