【韓國釜山遊】便利店食記。美味的 ♥ 蟹膏醬三角紫菜飯團

好耐冇試過只是我們兩老去旅行
多謝婆婆幫忙照顧兩隻小魔怪，我們至可以放心去玩 !!!

無帶兩隻小魔怪一起去 ... 輕鬆多了
行程也無安排，這四天只是隨心的在釜山食買玩



凌晨機去到釜山，好肚餓呢 !!!

去便利店買個飯團醫肚先 ...

在 CU 見到很多三角紫菜飯團，但是上面全部只有韓文 ... 一粒字都睇不明

我這個蟹痴一見到這個飯團上面隻蟹 ... 即刻雙眼發光 ...



原來是 ... 沙律醬蟹肉吞拿魚三角紫菜飯團 1,200 WON ↑

餡料份量十足，不過吞拿魚多過蟹肉 ...

我都是鍾意 GS25 的蟹膏三角紫菜飯團多點 !!!



蟹膏三角紫菜飯團 1,000 WON ↑ ↓

餡料份量同樣足料，有很多蟹膏，仲有芝麻提香，味道又香又鮮味

只是 1,000 WON (約 HK$7.2) 一個，就食到鮮甜的蟹膏飯團，好抵食呢 !!!



我們還帶埋它們一起到釜山中央公園賞櫻順便野餐 ...



雖然大部份櫻花都凋落了
但是有美味的蟹膏三角紫菜飯團和蟹膏醬三文治作補償，心情即時靚番哂 !!!



大家搜羅蟹膏醬的時候，也可以留意一下這個咁抵食的蟹膏三角紫菜飯團 ~~

不過，它與大熱的蟹膏醬一樣咁搶手，不是成日搵到的 ...



** 以上分享是以我的口味、喜好和情況作出分享及感受，一試 / 合用與否請自行決定