這間八月天位於觀塘工廈的樓上
地點方便易搵 ... 在 APM 附近的工廈
一出電梯就見到喇 !!!
綠色的木飾裝潢予人輕鬆舒服的感覺
我諗這晚真是搵對餐廳 ... 可以一家人在輕鬆舒服的地方享受這一晚
預約時提及過這晚是與囡囡慶祝生日，特別要求角落的位置可以坐耐一點
點知 ... 貼心的為我們安排了一個寛闊又舒服的梳發位置
還有張靚靚的「Happy Birthday」背景紙 ... 好似與囡囡辦了一個生日派對咁
壽星囡好滿意這個生日驚喜呢 !!!
店內的裝潢、餐枱和餐椅都充滿色彩，好適合一家大小在這處開餐
在咁 colourful 的地方進食，心情都靚 D 輕鬆 D，還可以忙掉一日的不快和疲累
講下食物喇 !!!
餐湯有兩款 ... 紅黃兩款 ... 粟米湯和蕃茄湯配蒜蓉包
粟米湯 ... 不是打至幼滑濃稠的忌廉粟米湯，而是好有口感又足料的粟米湯
蕃茄湯 ... 酸酸甜甜的好開胃，我和囡囡好鍾意，但是怕酸的男孩仔不太 LIKE
蒜蓉包 ... 烘得香脆又不乾，兩隻小魔怪食哂囉 !!!
酥炸雞軟骨 ... 一上枱就聞到蒜香味，炸得又香又酥脆，還好惹味
... 一口接一口很快就被掃清光
香口的小吃一向都是我家的至愛，所以多點一份脆炸芝士意大利飯團
將意大利飯混合芝士、香料、煙肉等炸成酥脆的小球，很美味
一份 5 粒好似不太夠喉，好想多點一份試真點呢 !!!
預留的 ... 鹹豬手
好大隻的豬手，外皮烤得脆卜卜，裡面肉質鬆軟，咸咸香香的
... 要試就記住要早一日預留喇 !!!
香草醬加拿大帶子意大利粉
帶子大粒又夠厚， 煙韌有口感的意粉與帶子一樣沾滿香草醬變成綠色，賣相和味道都很清新
心情好胃口也特別好，多點了一份美國頂級肉眼扒
大大件的薄燒肉眼扒，濃濃的牛味還好 juicy
甜品 ... 奶味香濃又夠滑的意式奶凍和木糠布甸
餐飲 ... 熱柚子蜜、凍好立克、凍奶茶
白色牛奶樽裝著的是凍奶茶，賣相很特別
無加冰的凍奶茶，不會因為溶了冰而溝淡了奶茶味，讚呀 !!!
平時不太好見到蛋糕狀的甜品，只是吃兩啖試味
這個甜品外層烘到脆卜卜，中間的吉士又香又滑，我和儍爸食吓一啖食吓一啖
雖然這晚食了咁多，居然連這個甜品都掃清光呀 !!!
八月天 August Day Bossom Cafe
https://www.facebook.com/AugustDayHK
九龍 觀塘 巧明街 114 號 迅達工業大廈 1B
** 以上是以我的喜好、口味和情況作出分享，合用 / 一試與否請自行決定
沒有留言 :
張貼留言