健康又美味的 ... 自家製柑桔果醬

到了正月十五日，除了是拆利是的大日子

亦都棄置年花及年柑的時候
在花場回收前，先剪下好有用的柑桔
一部份用來浸咸柑桔，一部份用來做柑桔果醬
 ... 囡囡的至愛嚟的，可以用來搽麵包，又可以沖水飲

今年的柑桔不太靚、乾乾的，因為幾天新年假期冇人為它們澆水呢 ... 喝不夠水咪乾哂囉

昨日拿了一大盆柑桔回家，準備明日休假時，慢慢煮愛心果醬

點知今晚返到家，就見到這瓶 ... 柑桔果醬

賣相不錯 ... 味道都不錯 ... 但是 ...

究竟這瓶愛心果醬是誰做的呢 ? ? ? ? ? ? ? ? ? ? 

 咪就是我家工人姐姐囉

估不到她咁醒相，仲記得點煮喎 !

柑桔果醬的製法可以參考我去年的網誌
『自家製 ... 柑桔果醬』 http://blog.yahoo.com/estercheung/articles/47285#comment-item-914310

好食推介 ... 日牛涮涮鍋專門店

今年天氣特別寒冷，最好就是食火鍋
今次試下日本通、「日本村姑」之稱的林慧美有份投資的日牛涮涮鍋專門店

 

每個座位都設有電子爐，一人一鍋，吃得方便之餘，各自選自己喜愛的湯，幾好 !
... 啱哂愛扮大人的囡囡，鍾意食咩就淥咩食
 

 

既然一人一爐，小朋友都可以自選湯底，一家四口就選四款不同湯底試下囉

老公的壽喜燒（Sukiyaki）湯底，味道較濃，甜甜地的甜醬油湯底
日本人愛將牛肉蘸生雞蛋吃，入口滑溜溜

我就鍾意用 Sukiyaki 甜醬油湯底煮烏冬，烏冬吸收了甜醬油好好食的

香滑的豆乳濃湯

豆乳湯要用好細好細火力嚟煮，否則好 "滾瀉"

 

(左) 風靡日本OL界的的骨膠原美肌雞湯                                   (右) 日牛清湯
       將啫喱狀骨膠原加入以蔬菜和雞熬的湯
       據說有美顏效果
       ... 好清的湯，仲有濃濃雞味

有4款牛肉供選擇，最高檔及最貴的日本鹿兒島 A5 霜降黑毛和牛、澳洲穀飼牛肩

但我們點了餐牌至平價的『日牛放題』
有兩款肉任添 ... 澳洲穀飼牛胸腹位 + 美國豬肩

90分鐘日牛涮涮鍋（牛肉、豚肉）：成人$128/位，小童或長者$98/位

90分鐘日牛壽喜燒（牛肉）：成人$138/位、小童或長者$108/位

首先來了兩盤薄肉及一盤豚肉，兩款都是薄切的
如果要不夠喉，之後逐盤 order

 

雖然此店主打牛肉，但豚肉的賣相及質素都不錯... 我鍾意豚肉多 D

自助吧有 20 款日本鍋物配料任取，有日本芝士豆腐魚餅、年糕、日式油揚、春菊、稻庭烏冬

有我至愛的春菊及日本大蔥

我覺得上面圈住成件三文治咁的魚蛋及蟹柳卷最好食

 汽水亦是任飲，不另收費的

最後，食埋甜品就 perfect 喇 ... 是囝囝囡囡至愛的 yogurt

 

可惜只得一款原味乳酪 ><

但是有 4種色彩繽紛的 topping 任加，超爽

日牛涮涮鍋專門店 Nichigyu Shabu Shabu & Sukiyaki Restaurant

香港九龍鑽石山龍蟠街3號荷里活廣場311A號舖

電話：3102 0122

http://nichigyu.com/

好食推介 ... 8 度黃牛塔

新一年食好 D ... 又是為食借口

今次就是比這個『8度黃牛塔』吸了入嚟

 

 以 3 層高的西式 high tea 層架盛載  

 

 『8度黃牛塔』即是 8 款黃牛不同部位

 

  雪花肥牛粒、牛胸油

 

 手切牛頸肉、手切牛脊肉、手切牛邊肉

 

雪花肥牛肉、手切金錢展、手切牛舌

 

 

 
由於此店是潮州人開的，所以用的牛肉不是一般的廣東牛肉
而是由潮州運來的黃牛，味道特別濃，更有不同部位可選，牛頸，牛脊，牛邊，手切牛
甚至牛鞭，牛肝也出現在菜單上

 

  這幾天天氣特別冷，點了個暖身的醉雞湯底

 

 醬料也有多款任配搭

 

最特別的有牛之白玉之稱的牛胸油 ... 是牛胸前的一塊軟組織，每隻牛得好少的
白色一片， 只要放湯灼一陣就食得
爽口又有嚼口，仲有油脂的甘香味，但不油膩

 

 超肥美的鵝腸

新鮮魚腩

 

爽口彈牙的黑栢葉

鮮甜竹仔魚

當然不少得潮州魚片頭

 想食好耐又不捨得食的 .... 原隻象拔蚌

 雖然好貴，但真的超 超 超 鮮甜好食呢

榮興牛肉火鍋專門店
香港九龍土瓜灣馬頭角道28號金都豪苑地庫
電話： 2799 6222

膠原自生第二步 ... 增生骨膠原

兩星期前做了個 CPS 更生活膚療程
去除了面上積聚厚厚的老化角質
為肌膚做了個好徹底的大掃除 (按此重溫)

新年前，再做埋第二次療程為肌膚增生骨膠原、扮靚靚過年
以最好的狀態迎接新一年

第二次療程會做兩個 Treatment (約一個半小時)
潔面 → 冷凍光學膠原自生療程 + HGF激活細胞增生療程 → 補濕面膜

潔面後，先做 冷凍光學膠原自生療程

功效：回復肌膚彈性、改善皺紋、鬆弛、缺水、疤痕、粗大毛孔

以 1540nm 的冷凍光學深入500微米真皮層的Collagen Zone，活化纖維母細胞增生骨膠原，提升肌膚彈性和承托力；同時能改善過盛油脂分泌。

 

正常用激光會有少少刺痛感，但這部儀器以獨有專業科技，以 5°C 冷凍技術保護及鎮靜肌膚，療程期間完全無痛，亦無引致面紅

 

 之後，做第二個 Treatment HGF 激活細胞增生療程

透過 HGF 激活細胞增生儀能帶走老舊角質及污垢，改善粗糙暗啞，提升肌膚吸收養分能力。

功效：減淡幼紋、收細毛孔、美白補濕、改善粗糙暗啞、清除老舊角質、減少黑頭粉刺

美容師用獨有的吸管，再配上不同大小的吸咀吸走面上的黑頭、粉刺及污垢

由於我面上太多粉刺及污垢，吸管裡原本清潔的水都變得灰黑黑的

 

吸走面上的污垢後，在肌膚吸收狀態最好時機，將 110 種高濃度人體生長因子精華導入肌膚底層的 Collagen Zone，加速膠原自生能力。

最後敷埋個補濕面膜為肌膚補充水份，就完結喇

做完了今次膠原自生第二步之後
即刻感到肌膚水嫩了，吸了好多水咁，面色也有番光澤，無咁暗啞
面上的油光少了、毛孔也收細了

如果想親身體驗 CPS 更生活膚療程，可按以下連結登記 … 免費的
http://www.reenex.com.hk/edm/201112/RBLOG1211M/Form.aspx?ref=RBLOG0112G
完成 CPS 療程後，更可獲 Bioderma 皇牌保濕卸妝水100ml (價值$809)

上海糖年糕 ... 百菓蜜糕

老闆是上海人，每年都會預備一些上海賀年食品
今年添購賀年的時候，多買了一件上海糖年糕比我地試

上海的傳統年糕，每逄新年都一定要食的 ... 甜甜蜜蜜的意思

他話這盒上海糖年糕是在專做上海食品的廠直接買的
有很多年歴史的老廠房，以前他爸爸帶他去買，而家輪到他去買比老爸食
順便買埋比我地食

 

 有別於平時食的抄年糕，按下去軟 "淋淋" 的，睇得出食落去應該好煙靭

白色的糯米粉團，面層有四色的菓子
 ... 啡色的提子乾、紅色的車厘子乾、綠色及黃色的不知是咩水果乾

 

不需煮的，即切即食的甜點
很黏很黏，刀子一切下去即刻黏住，根本切不到
唯有用較剪剪成小丁方來食

不太甜，很黏很黏，很煙靭，很軟糯，但不黏牙
... 亦很適合在元宵佳節與情人一起品嚐，取其甜甜蜜蜜，煙煙靭靭的意頭

即剪即食，很方便
不需煎或煮就食得，無咁油膩
好似較平時食的年糕健康咁
下年要叫他買多件比媽咪先

送兔迎龍 ... 你又準備好未?

屋企的賀年糖果未買，揮春又未貼
只浸了水仙花 ... 仲要是囝學校的義工幫忙浸的
好彩，今年年廿九是假期，仲有時間去準備
 
但公司的賀年準備就做好哂喇
接待處必定擺放一棵大桃花
今年仲多了盆水仙花及未熟『青BB』的香蕉一大梳
擺放幾日，放完假就熟哂 ... 食得喇

好鍾意這個荷包揮春 ... 如果我個荷包都好似它咁脹卜卜就好喇

 

封埋開工利是就一切準備妥當

  

今年 Swarovski 的利是封設計較簡單

不過，依然有 3 粒水晶在利是封上面

雪亮聖誕 @迪士尼樂園

聖誕節至現在都忙到透不過氣

聖誕節 → 新年 → 農曆新年 ... 這三個節日實在太接近喇

不只工作，連日誌都追不上進度

正當兩大樂園在發動新年攻勢

我這個蝸牛媽媽還在聖誕遊記

 

小朋友有十多日的假期，當然要去玩玩
經投票後，迪迪尼樂園大比數勝出

 

印刷精美的泊車票 ... 大愛呢

 

發現樂園新出了『2日門票』...超抵的

只是平日門票 HK$399 + HK$100 ... 就可於 7 日內任何 2 日進入樂園
(小童『2日門票』HK$285+HK$70 = HK$355)





一入園就看到米奇同薑餅人的巡遊



樂園的佈置都充滿聖誕氣氛

 


不是第一次入樂園的小魔怪，已經玩過樂園的其它遊戲
所以一入園就向著新的『反斗奇兵大本營』進發



安仔的後花園裡面，有很多安仔的至愛玩具，全都是巨型 size 的 ... 有如置身巨型的玩具世界



囡囡好喜歡這個會發聲的拼圖機械人，它講野好搞笑又會氹人喎





囝囝就鍾意玩成日追逐自己尾巴轉的『轉轉彈弓狗』
不過，勁多人玩 ... 差不多排了一個鐘頭至玩得

反斗奇兵大本營的另外兩個機動遊戲
... 好似跳樓機的『玩具兵團跳降傘』及 U型的「沖天搖控車」
太刺激喇 ... 不太啱我地玩
 


之後，轉戰明日世界的馳車天地 ... 估不到囡囡居然夠膽駕車，我當然要坐在旁邊睇住喇




小小世界內的窩夫雪糕好鬆脆 yummy yummy

 為食的我當然要推介下 ... 美食



 美國小鎮大街『大街餐廳』的和牛芝士漢堡配洋蔥圈及雜扒都不錯的

 

美國小鎮大街『戶外流動餐飲車』的米奇窩夫及燒雞脾
 
 


下午 3:00 的巡遊很精彩的，不能錯過

 

本來話來不想他們食太多糖果

但這兩包糖果實在太太太抵喇

半價呀 ... 每包 HK$20 咋

 

 今年的雪花聖誕貼士好美 ... 可惜儲不到一整套 >o<