Shopping @翔龍灣吉之島

翔龍灣開左吉之島之後, 成為我地入貨的地方

特登帶野細佬嚟坐呢架兒童車車購物車, 但佢當正佢係新玩具, 成日開門...落車...再上車, 好百厭呀 ~~ 細佬乖 d 啦, 唔係下次唔帶你出嚟架

聽日整甜品杯用的材料

爸爸買的

雪條模個飲管有咩用??

紅腰豆 (2)

今早發現 3 粒紅腰豆淋 "pat pat", 應該 dead 左.

放工去左幾間雜貨店都買唔到, 食完飯走去吉之島只係揾到呢包喳咋有幾粒紅腰豆, 成家都唔食喎, 又益左工人姐姐.

買你都係想要 3 粒紅腰豆咋

呢 3 粒豆瘦小過之前的, 種唔種到 ka

今次試吓將豆放在濕的棉花上, 至發芽才移盆用泥種.

豆豆乖乖啦, 有咁柔軟連bb都用的棉花床, 快d出芽芽

親子啫喱

家姐整甜品整上癮, 食完飯問我今日整咩, 吓.........我諗住抖吓, 今日停戰一日, 但我又經唔起家姐的苦苦哀求, 又好彩屋企有啫芒果喱粉及芒果 ~~ 一於做最簡單不過的芒果啫喱.

1. 預備好啫喱粉及芒果

2.由家姐小廚師將芒果切小粒

3. 開好啫喱倒入杯中, 再加芒果肉, 放雪櫃即成

　
點解一杯多一杯少???? 大杯梗係家姐的, 小的係細佬仔, 呢個係佢地聽日的茶點

磅重 ~ 3/2008

16 個月大的細佬有 20 磅啦, 細佬肉地較結實, 睇上去唔似有咁重.

家姐16個月大的時候 D 肉長哂係面粒度, 脹卜卜好 cute, 但個身就瘦瘦的, 重到 20 磅只係長高重得好慢, 而家 3 歲半只有 29 磅咋.

欣慰

唉 .... 雖然知道敎育署提早放幼稚園及小學的復活節假期, 係為左避免流感擴散, 為小朋友好, 但 D 小朋友成日困係屋企又幾悶.

家姐上星期 6 點半打嚟問我收工未, 又話天黑啦, 快D返番陪佢 ...... 所以都盡量早D, 但而家打工仔好多時要OT, 好難 6 點正就可以收工

家姐長大喇, 仲幫我照顧細佬, 反而我只識發脾氣. 事緣........

今晚同家姐做做吓功課 ....... 細佬又搗蛋, 攪住姐做功課, 比紙同筆佢畫畫只係安撫一陣 .......

正當我想鬧細佬的時候, 家姐好醒目咁攞左個玩具比佢, "洗" 開佢, 我地至可以安安靜靜做功課

自製香蕉雪糕

上次整完雜果透心涼後, 仲有水果係雪櫃, 同埋家姐切水果切上癮, 又想再整甜品, 咪諗起呢個 N 年前電台訪問環保人士周兆祥博士所推介的健康甜品　～　香蕉雪糕

流行抗氧化果品

(星島日報 報道) 鮮果含豐富營養素，有助身體對抗自由基，減低患病的機會，就連英國 政府最近也建議為孕婦提供現金資助，鼓勵她們在懷孕期間多吃蔬果，促進母嬰健康。惜港人近年才廣泛地意識到，養成每天食水果習慣的重要性。今日由營養師示範的鮮果雪糕新地，用上具抗氧化成分的時果自製雪糕，毋須加奶及凝固劑，保留了水果的營養素且滋味可口，即使對生果興趣不大，亦會被其賣相及味道吸引，躍躍欲試。
製 法

　　1. 香蕉去皮切小塊；芒果去皮，果肉切片。
　　2. 置入容器內，放入雪櫃冰箱雪至硬身。
　　3. 將冰凍水果放入攪拌機打至軟滑後盛起。
　　4. 加入提子乾及合桃碎即可食用。

營養分析（每份/一小杯）

　　熱量 154 卡路里
　　碳水化合物 38.8 克
　　脂肪 1 克
　　纖維素 4 克　　

食用守則分析

　　脂肪量低：市面一般雪糕含約 220 卡路里及 10 克脂肪，以鮮果自製雪糕，脂肪所提供的熱量只佔全份雪糕總熱量不足 6%，健康有益。

　　進食分量：每天建議進食兩份水果，而每份鮮果雪糕新地約相等於一至兩份水果，可代替新鮮水果或甜品進食。

　　健怡之選：鮮果雪糕新地香甜有益，不像一般雪糕加入了牛奶，適合對水果抗拒、喜歡吃雪糕但注重健康的人士，以及對牛奶敏感者食用。

　　病患者謹記：雖不含添加糖，但水果糖分高，不宜過量進食；糖尿病 患者要注意碳水化合物的計算分量；香蕉鉀含量高，腎病患者不宜進食。

　　烹調小貼士

　　1. 選用熟香蕉及熟芒果會較香甜。
　　2. 若不喜歡芒果，可以木瓜代替。
　　3. 由於不含任何凝固劑，要即做即食。
　　4. 除提子乾及核桃碎外，可隨個人口味，選擇不含添加糖或鹽、不經油炸的乾果及果仁作裝飾。

　　　　

攪完的香蕉雪糕唔係咁得，加左士多啤梨之後就唔同哂，好味Ｄ，但係香蕉味蓋過士多啤梨味，質感似 Mouse 或新地多啲　～～　加左水果粒又唔同哂，勁好味，睇吓家姐食到津津有味

搗蛋小廚師

大家一定以為小廚師係家姐.... ..... ...... 冇錯 係年僅 16 個月的細佬至啱, 因為細佬又名搗蛋.

昨晚同班老友記食打完邊爐太夜, 連超級市場都收檔冇餸賣, 唯有係 7 仔買細佬可以整又食得的粟米片做早餐.



好貴呀, 呢 2 杯即食裝粟米片特價左都要 $1x, 超級市場買到一大盒啦!!

細佬的工作只係幫我將粟米片放入碗, 但佢梗係幫倒忙啦, 倒哂落椅到

膽小細佬

細佬仔除左好嗲之外, 仲好細胆, 今日摷番家姐以前的發聲動物車仔比佢玩, 因為放得耐, 狗仔已經冇電冇聲出, 一推比細佬即刻接住.

但一推架識發聲車的牛牛車比佢, 即刻退後及雙手拍拍心口表示驚驚 , 再推近啲就喊.

架牛牛車只係發出 "mu mu" 聲咋, 有幾驚, 佢咁細胆我就真係驚喇

雜果透心涼

在廚房揾到本 4 年前買落的甜品食譜, 中英印三文齊備, 當年特登買嚟比個工人整比我食, 佢一樣都未整過, 點知一放就 4 年, 時間過得真快.

家姐就開心, 睇中個乳酪雪條 ~~ 但我又唔想整, 雖然呢幾日暖番, 但又未至於熱到食雪條.

要揾過另一樣甜品說服佢至得, 但我家大小姐, 唔食白色的野, 只係鍾意食水果, 尤其士多啤梨 , 終於比我揾到呢個極易整又勁似佢的至愛甜品 "夏日透心涼" ~~ 就係我的改良版, 雜果透心涼.

呢款甜品極易整, 又健康, 最緊要係包冇失手, 啱哂我呢個 "冇飯煮婦"

1. 西瓜, 士多啤梨, 芒果, 哈蜜瓜切粒備用 2. 西瓜粒攪拌成西瓜汁

3. 將西瓜汁倒入杯, 再加水果粒裝飾

家姐的製成品

屋企都有沙玩

昨夜見到厠所個盆栽好似擠迫戶, 有啲睇唔過眼, 咁啱屋企又有泥, 一於同佢搬屋.

家姐即刻攞定架生 ~~ 咪就係玩沙用的剷, 仲攞埋奶粉匙比細佬, 然後坐定定等我的指揮, 一聲命下兩隻小魔怪就開始 "不.. 不.... 不"

點解, 轉左個大盆都好似 ............... 咁迫