冬天最緊要有 ... 護住喉嚨仔的 neckwarmer

呢幾日天氣凍左，要護住個喉嚨仔，唔係好易病的

小朋友返學用頸巾好似有D "輪盡" 咁

用呢條傻媽親手織的 neckwarmer 既溫暖又輕巧

返到學校摺埋放書包一D都唔阻 "定"

咁 sharp 的桃紅色加埋粒花花鈕梗係家姐的

 

車車鈕 neckwarmer 是細佬的

家姐的 neckwarmer

呢幾日天氣開始轉涼

織定條 neckwarmer 比家姐返學用先

呢隻咁 sharp 的桃紅色加埋粒花花鈕家姐一定鍾意

neckwarmer

 

有時織剩一個半個毛冷, 攞返去換又煩, 放係度又嘥

用嚟織 neckwarmer 就最啱

織多幾條嚟襯衫又得, 送比人又得

哈 .. 哈 .. 哈 .. 係咪講到成個專家咁呢

 其實我未織過 neckwarmer, 只係睇到個 pattern 好似好易織咁

第一條 neckwarmer 織比婆婆的, 細細條方便携帶, 比佢平時帶出街暖住個喉嚨

昨日送左比婆婆, 佢好鍾意呀, 仲 order 多一條短少少的