今日公司個妹妹仔做東請食海鮮餐
係公司唔好亂講野呀 ...
上次佢就係話未去過布袋澳, 其他同事即刻好熱心話帶佢去, 不過佢請客
平時同佢地一齊唔會攞部相機四圍影相, 實比佢地話鄉下婆
但今日有個妹妹仔一齊癲, 咩都影一餐
總覺得呢度食海鮮正過西貢
梗係啦 ... 淨係個靚海景都加唔少分
不過, 最攪笑都係後面果枱, 最初以為佢地成枱大男人傾咩咁投入
原來係度傾緊 "珠光寶氣的
劇情, 蔡少芬同岳華, 林保怡同邵美琪咁, 呢套台慶劇果然勁
睇返 D 相至知原來今日食左咁多野
梗係有點我的至愛 ... 薑蔥蟹
仲有碟炆班腩都勁好食 ... 個汁好好味, 大大碟都清哂
食到個個都棒住個肚, 連水果都食唔落
多謝哂 ... 妹妹仔!!!
