在煉瓦屋嘆完咖啡食完蛋糕，雖然只是 5PM，但是天色已經全黑了 ...
好彩距離東舞鶴車站只是幾分鐘路程，本來諗住早點返民宿 check-in 之後去食晚飯
不過去到車站又比我們見到間百貨公司，當然不會錯過機會入去逛下喇 !!!
我和囡囡就去了精品部搵到很多至愛的 My Melody，真是好想帶哂返屋企
而囝囝和儍爸去了玩具部玩檬面超人機台
接著，真是要坐火車返舞鶴的民宿
不知是否天氣太凍的關係，大家都已經返家
火車上的乘客不多，只是得寥寥幾人 ...
返到西舞鶴只是 7PM ...
本來大年初一的晚餐想食得豐富點
但可能冬天的關係，街上的店舖都已經關門了 ... 食肆都是呀 !!!
見到遠處的『餃子王將』簡直是救星一樣
大年初一的晚餐就來個拉麵餃子餐
一入門口有一列吧枱位，隔離是舒服的梳化位
而我們就揀了較有特色和很地道的和式座位
其實餃子王將在日本各地有很多分店
不過，原來我們到日本各地旅行咁多次也未試過喎
餃子王將除了餃子，還有炒飯、炒麵、豆腐、湯 ...
看到餐牌全部都想食，加上大年初一的晚餐 ... 所以食得豐富點
嚟到餃子王將當然要試餃子，這個餃子餐相當抵食 ...
有 2 人前餃子 12隻 + 炸雞塊 + 白飯 + 蛋花湯 = 713 YEN
餃子皮很薄又煎得香脆，裡面很多椰菜，入口無咁油膩
再加少少辣油和酸香的醬油一起食，食下一件食下一件，12 件好快食哂咋
油炸麵 580YEN
油炸麵有點似平時食的肉絲炒麵
不過，茨汁多好多，材料也豐富好多，有蝦、帶子粒、木耳
其實在中華料理店應該食中華料理
但是在這趟旅程好似未食過拉麵，所以點了兩碗拉麵
拉麵 480 YEN
麵條較幼，配上特製的醬油豚骨湯，還有入口即化的叉燒，收貨喇 !!!
我比較鍾意這款 ... 日本白醬油風味拉麵 680 YEN ... 附上一小碟木魚絲和柚子皮
先呷一口原味的白醬油湯，湯頭顏色較淡，味道濃郁香甜
之後再加入木魚絲和柚子皮，再呷一口湯
發現湯頭多了份鮮甜味和清新的柚子香，味道清爽舒服，好飲到連湯都飲埋
餃子王將。西舞鶴店 https://www.ohsho.co.jp/
** 以上分享是以我的口味、喜好及情況作出分享和感受，一試 / 合用與否請自行決定
。。。。。。。。。。。。 。。。。。。。。。。。。 。。。。
2017 日本關西鐵道遊
沒有留言 :
張貼留言