自家煮 ♥ 蒜蓉蒸蟹飯

上次煮過蒜蓉蒸蝦飯
今次將蝦換上蟹 ... 煮個蒜蓉蒸蟹飯

第一次自己劏蟹，估不到比想像中容易 ... 仲好叻的無整傷手 ~~



食材：蟹 2 隻、金菇一包 (唔記得買無金菇食 > <)、蒜蓉幾粒、芫茜和蔥少許

蟹洗洗後，將肺部和蟹心等內臓除去，斬件備用

另外，調好汁料 ... 一湯匙麻油、一湯匙豉油、一茶匙糖調味的芫茜粒和蔥粒



洗好米，加入適量水，隔水蒸飯 20 分鐘

飯煮至半熟

鋪上金菇

再將加入一湯匙麻油、一湯匙豉油、一茶匙糖調味的芫茜粒和蔥粒在上面

鋪上處理好的蟹件

以細火蒸 8 分鐘至蟹全熟就食得

** 如果再簡單點，可以用電飯煲煲好飯，才鋪上金菇、蟹和調味料去蒸

** 以上分享是以我的口味、喜好和情況作出分享，合用 / 一試與否請自行決定