已經好想在它們的 KC Cafe 嘆個悠閒的下午茶
但是當日要趕返去接家姐，無時間囉 !!!
難得今日是兩隻小魔怪的學校假期
無野做又唔需趕時間，可以去嘆個悠閒的 brunch
KC Cafe 是以輕食為主 ... 價錢也經濟實惠
有個靚海景，播住韓國至 HIT 的 KPOP，仲有很多 Line Friends 公仔陪你食野 ... 好寫意的
我點了杯 焦糖瑪奇朵 Caramel Macchiato HK26
靚靚的焦糖醬拉花已經加哂分
我鍾意不攪拌就咁飲
濃香的咖啡加埋綿密的奶泡和香甜的焦糖比例調配適宜，飲出多層次的味道
兩隻小魔怪當然揀凍飲
凍鮮奶綠茶 Green Tea Latte HK$27 ... 不會太重奶味蓋哂綠茶味
雜莓乳酪奶昔 Mixed Berries Yogurt Smoothie HK$30
鍾意它不太酸又有濃濃的莓味，仲有個好 cutie 的 Line Friends 紙套套住
韓式紫菜飯 Gimbap HK$28
飯充滿芝麻香，好鍾意飯卷面加入了醃蘿蔔
咬落去除了有脆脆爽爽的口感，還多了酸酸的味道 ... 好開胃
愛吃蛋的囝囝一見餐牌上的雞蛋即刻點了份 煙肉蛋多士 Bacon & Egg Toast HK$22
烘到香脆的多士加埋咸香的煙肉和流心蛋汁，還有香草，真是好滋味 ... 好想來多客
一向愛甜吃的囡囡就是為了這份 棉花糖多士 Mashmallow Toast HK$16 而來的
去 BBQ 成日食燒棉花糖，第一次配多士食
香脆的多士，外面烘得焦脆而裡面甜甜軟軟的棉花糖，再加埋朱古力醬 ... 真是好邪惡呀 !!!
今日太好胃口，多點了份 巧羅絲 Currors HK$22 / 2 件
巧羅絲是 Currors 英文直譯過來的，其實是西班牙式炸油條
炸好的麵條上面灑上糖和肉桂粉，脆卜卜甜甜的 ... 好啱兩隻小魔怪呢 !!!
KC Cafe 是設於專售韓國化妝品的連鎖店 KC Mall 裡面，食飽飽可以去入埋貨
而我當然在兩隻小魔怪食緊野的時候去 shopping，咁就可以慢慢逛嘛
這兒還有好多美食的 ... 水牛芝士蜜糖意大利軟包、秘製韓式雞翼和西瓜雪糕冰 ... 都想食呀 !!!
下次要再嚟過先 ~~
KC Cafe
香港 九龍 觀塘 成業街 6 號 泓富廣場 2706-10 室
** 以上分享是以我的口味、喜好及情況作出分享及感受，一試 / 合用與否請自行決定
沒有留言 :
張貼留言