唔需趕返工，唔需應付忙碌的工作，唔需應酬麻煩的人 ...
舒舒服服的睡個夠、睡個飽，去食餐好的，再去接囝囝囡囡放學 ... 輕輕鬆鬆的過一日
原來，這日儍爸都請了年假 ... 可以兩口子拍拖拖去逛街囉
還去試了想試好耐的 Dazzling Cafe
12:00noon 開店，我們 11:40am 去到門口只有幾人在等
相比上次周末 11:20am 嚟到已經有一條長長龍好很多囉
這日只是等 20 分鐘就有位囉 ... 一於等 ...
11:55 am 店員出來派發『候位單』... 我們攞到 5 號籌 ...
終於，等到開店囉 ...
有室內及室外的坐位 ... 我們當然揀室內，室外對住 lift lobby ... 人來人往食得不多自在
這張兔仔椅好 cutie ~~
儍爸都有點頂我唔住 ... 咩都要影餐飽
入座前已講明每人最低消費一杯飲品
我點了 ... 仲夏熱帶水果茶 Fresh Tropical Fruit Tea (hot) HK$48 ... 有冷或熱
杯裡有滿滿的新鮮水果 ... 提子、士多啤梨、橙、蘋果
連一大壼水果茶 ... 帶香濃水果味、甜甜酸酸、飲落暖笠笠的水果茶 ... 大愛呢 !
分量足可以添上 3-4 杯 ... 這個時候很掛住也愛水果茶的囡囡 ... 一起嘆開心多呢 !
儍爸就點了 ... 冰榛果拿鐵 Cafe Hazelnut (Ice) HK$42
咖啡的分層很美，看上去覺得奶味會很重 ... 但是飲落去又不是喎
咖啡味螿濃郁，香醇柔順很好飲
佛羅倫斯花枝干貝麵 Scallop & Cuttlefish Spaghetti with Herb HK$95
見到大大粒又厚肉的帶子已經加哂分，意粉又是我鍾意的較幼身的意粉
仲以為這處只是甜品出色，估不到意粉也不錯
專登只點一份主菜分來食，就是留肚食甜品
在蜜糖吐司及窩夫之間豫疑了好耐，都唔知點邊款 ... 兩款都好想食呀!!!
最後，點了 ... 草莓繽紛冰淇淋鬆餅 Strawberry Ice Cream Waffle HK$90
可揀正常或酥脆口感 ... 愛香口的我當然揀酥脆口感
花型的窩夫，再加上紅卜卜的士多啤梨 ... 賣相好掂
配上士多啤梨雪糕及三款醬料 ... 士多啤梨醬、煉奶及蜜糖
就嚟試吓佷多網友激讚的窩夫 ...
我鍾意食熱烘烘外脆內軟的窩夫 ...
但是這件窩夫只是微暖 ... 不熱又不脆 ... 我點的是酥脆口感喔 ...
好彩，它跟配了 3 款醬料及雪糕 ...
沾少少醬夾埋士多啤梨及忌廉一起食，酸酸甜甜的，都不錯
本來為了這處的甜品來潮聖的 ... 估不到 ...
反而點的兩款飲品及意粉較出色
如果不需排長龍，下次要嚟試埋蜜糖吐司 ... 希望不會又 ...
** 以上分享是以我的口味、喜好及情況作出分享及感受，合用 / 一試與否請自行決定
沒有留言 :
張貼留言