原來寫好了一直無發佈
不知現在會否 out ?! ?!
* * * * * * * * * * * * * * *
我地兩老間中都會去太平館撐枱腳
亦都帶過兩隻小魔怪嚟食佢地的至愛 sweet sweet 雞翼
... 佢地好鐘意用瑞士汁撈飯
太平館好耐歷史喇 ... 仲老過我嫲嫲
太平館餐廳創業於公元 1860 年 (清咸豐十年)
創辦人徐老高原在廣州沙面一外國洋行當廚師，善烹西菜
後自行在廣州太平沙開業，因地取名，首次掛出 “太平館” 招牌
成為廣州最早出現的西餐廳。
徐老高特製的燒乳鴿、煙鯧魚及精製的葡國雞而名聞南粵
而徐氏後人所創製之瑞士汁亦成為膾炙人口的經典美食
歷史名人周恩來、蔣介石、魯迅等亦曾是座上客
由廣州發展到香港，百餘年來仍由同一家族經營
當其他餐廳換用即棄濕紙巾，仍然沿用濕毛巾 ... 夠環保
牛油餐包
不過，我想大家留意的是左上角隻藍白色米通碗
...細細個屋企食飯用果隻碗，食西餐用中式碗 ... I like
平時多點咸牛脷，但今見到新餐牌『尋味‧古餚』
一於試新菜，點了客『岑味牛脷』餐 (湯 + 牛油餐包 + 主菜 + 甜品 + 飲品)
粟米湯 ... 很奶很濃，但又有一團團的麵粉糊，仲好多粟米
主菜『岑味牛脷』
"岑味" 來自 Salmis 譯音，是一種傳統法式醬汁，用鴿珍肝、肉碎、香料等材料烹調而成
是香港早期港式西餐其中一種代表菜式
醬汁好濃，有點酒味，配埋煮到很鬆軟入味的牛脷，味道很特別很惹味
另外，加點雙脾飯 ... 牛仔脾 + 豬仔脾 配白飯
牛仔髀及豬仔脾都是切成薄片，煎香再加上招牌 sweet sweet 瑞士汁
我較鍾意牛仔髀，煎到好香脆，又唔靭
今日的豬仔脾瘦了少少，很乾很靭
本來食埋客甜品應該 OK 飽
但咁啱見到有碟燒乳鴿路過 ... 好香香 ... 好想 好想 好想... 好想食
最後 ... 梗是食埋佢喇
乳鴿的皮很脆很香，肉質嫩滑有肉味
加上甜甜的 sweet sweet 瑞士汁
估不到在作戰最後的狀態下 ... 一下子又將這隻乳鴿吃光
賣相好美的橙汁啫喱 + 淡奶
沒有留言 :
張貼留言