Barbie Cook with me Smart Kitchen

家姐及細佬都知道屋企有個儲物櫃, 除了收藏什物, 仲有新玩具, 要佢地乖至會奬一件

 

但屋企居然有個擺左係度, 成座山咁高的玩具廚房冇人玩不等止, 仲當佢係儲物櫃

 

三年前的家姐肥嘟嘟

三年後的家姐瘦到呢

個廚房擺左 3 年居然冇壞到, 仲 work 喎

 

好好玩的 ... 好似真的微波爐咁

 

將有 smart chips 的食物放入微波爐及焗爐, 個 display sense 到係咩食物及要煮幾耐, 跟指示 pre

 

ss button, 個爐會著燈及開始煮食, 煮好仲會發出 beep beep 聲及提你帶手套攞食物出嚟 

 

CROS 嘉年華 2009

睇完家姐表演唸住返屋企, 點知 HALL 5 有 CROS 嘉年華, D 人好似唔洗 $$ 咁, 買成大袋鞋

 

有平野執 ... 梗係要入去八吓

 

入口的廣告牌有最近的 Hello Kitty x Cros, 仲以為會場都有得

 

平 

會場好大好整齊, 款式又多, 成人小童款都有, Sales 又 Nice 及 helpful 

 

價錢仲好吸引 ... 最平 $50 有一對

 

而好 HIT 的 PRIMA 只係 $88

 

最好就係有遊戲區, 唔怕悶親細路, 行耐 D 都得 ... 免費的

 

仲有拍照區 

買左 3 對鞋 ... 盛惠 HK$236

哈 哈 哈 ... 最扺都係細路呢對鞋 $50 咋

 

佢自己揀的, 佢鍾意到要即刻換, 仲擺 POST 比我地影相 ... 連隔離枱都笑死

 

買滿 $188 仲有飛碟送

CROS 嘉年華由 7/8/09 - 9/8/08 在會展 HALL 5 舉行

 

掃完 BB 展不妨掃埋 CROS

家姐的第一次芭蕾舞表演

今日終於到家姐表演的大日子

 

學校選擇在 BB 展搞表演都幾好, 入場費又平, 又可以順便行吓攞贈品

 

好過有D跳舞學校特登 BOOK 個會堂比學生做 SHOW

, 入場費貴到成 $200 一張, 2 個家長門票 + 服裝費 + 綵排的堂費, 計埋成千元, 貴到呢!   

 

去到會場門口比條人龍嚇死 ... 原來係排隊買飛, 好彩我地已經有飛唔洗排隊

 

在會場行左一圈, 冇咩啱買, 又唔洗換贈品勁得閒

 

 但就衰貪心, 為左支好似價值 $180  的 DIAMOND 水吸引左 ... 比個 SALES 煩左成十分鐘

 

個 SALES 講到好勁的, 又話比蚊針完噴吓就舒服哂, 塊面敏感紅左一撻噴完就退 ... 咁勁, 真係要試吓喎

 

舞蹈表演的主題是 "花貓"

 

黃色小花貓幾靚

朱古力雪條‧朱古力布丁

我呢個 "冇飯主婦" 煮飯的重任梗係由工人姐姐代勞

 

所以親子廚房只係得簡單易製的甜品

 

今日同家姐一齊製的甜品係朱古力雪條

 

細佬食得太 "論盡", 攞住支雪條滴到成身都係, 變左食朱古力冰

 

至於剩了的朱古力就加左包蒟蒻粉, 製成好好味的朱古力布丁

 

Big Books of Princess & Cars

之前同家姐行書店已經好想買呢本畫冊

 

點知傻爸某日放工, 攞住呢兩本大畫册返嚟, 仲要係佢地至愛 ...  迪士尼公主及反斗車王

本畫冊仲送埋 100 個貼紙 ... 有排貼

 



每頁有不同公主的填色畫冊, 隔離空白的大畫紙用嚟畫畫, 唔會嘥

家姐的自畫像??

 

原本畫中的小女孩冇鼻的, 我問家姐點解冇鼻, 佢二話不說就加左個豬鼻比佢

 

 

唔講都知係細佬的塗鴉

My Lunch

平時都會帶飯食的

 

但通常星期一都冇飯帶, 因為 Sunday 出街食囉

 

大熱天時出街食又熱死, 叫外賣又食唔哂, 最好就係食個麵

 

自己煮冇味精, 就最健康

 

公司的 pantry 各樣調味料齊備, 豉油、美極鮮醬油、麻油等

梗係唔可以明火煮食 ... 係用最安全的電磁爐

 

煲好滾水, 加個麵餅及水餃, 等幾分鐘就有得食

 

蝦子麵有少少味, 連調味都唔洗, 勁方便

咪住 ... 加埋個主菜至食得

 

呢個就係主菜 ... 香辣菜甫

 

公司的同事呢期勁鍾意, 試過一星期食哂一樽, 食咩都要加呢個主菜, 癲到早餐的通粉都要加 D 至安樂

今日的午餐 ... 香辣菜甫水餃蝦子麵

 

Princess Game Cards

前幾日在屋企玩具堆中發現呢套公主咭 ... 加數咭

 

啱哂呢個漫長的暑假玩, 家姐成日話悶, 有公主陪住佢應該學得快 D

 

不過, 呢套公主咭點得嚟呢?

 

爸爸話係佢攞返番的, 但我記得應該是 VV 美國旅行的手送喎?

 

VV 你話呢?

 

2009-07-06 家姐 5 歲生日@香港迪士尼樂園

去過迪士尼 N 次的家姐, 今日 5 歲生日 ... 最想去的地方都係迪士尼樂園

 

細佬就第一次去迪士尼樂園 ... 仲要指定著件反斗車王衫去, 可惜迪迪尼冇佢的至愛 "車王"

 

 呢條 Cinderella 公主裙就係家姐的生日禮物喇!

 

呢個廁所維修中, 連圍欄都要用有迪士尼 logo 的套笠住 ... 幾靚

 



入園後, 即刻去攞個 "生日襟章" 及樂園指南

 

幫家姐扣完個襟章行左兩步, 即刻有工作人員埋嚟講生日快樂及邀請扛日小公主指揮樂隊

 

隊 band 步操及演奏一輪之後, 就到家姐到場 ... 原來家姐要指揮的樂曲是 "生日歌" 

 

表演完, 嚟張大合照

影完相諗住散場去玩, 點知隊 band 仲跟在後面, 好似巡遊咁 ... 幾型

 

呢份就係小小指揮家的 "酬勞"

 

用個米奇膠袋放了張寫了家姐 / 細佬名的 Thank You Card , 幾張年厝卡及兩張 "已過時" 的星級貴賓貼紙

 

勁求其的一份禮物, 毫無心思, 好失望呀!

 

之後, 梗係例牌動作 ... 去城堡搵家姐最掛住的公主

 

大熱天時嘆番支黑加侖子啫喱雪條先 ... 有冇人知呢款啫喱雪條除了迪迪尼, 仲有邊樹有得賣?

 

抖完又再繼續玩 ... 算最新的小小世界

 

今日樂園唔算多人, 每個遊戲頂多排 10 分鐘, 同 character 連影相都可以慢慢玩

 

家姐及細佬躲在 Pluto 後面, 整估佢

 

細佬 : 家姐, 我車你兜風

 

he ... he ... 又有著數

 

有工作人員送了個印有 "星級公主" 的頸繩比家姐

 

原來 "星級公主" 是專為著公主裙的小公主而設的,

 

 小公主會被邀請到  reserve 的地點睇水花巡遊及認識其他小公主

 

工作人員好細心, 預備了透明的雨傘擋水花, 唔驚小公主濕身

 

呢兩隻小魔怪掛住玩, 4 點幾至食午餐

 

有家姐至愛的米奇窩夫及細佬的至愛西瓜

 

Cafe 送了客雪糕新地及生日咭比家姐

 

家姐今日好乖, 冇淨係掛住同公主影相, 唔玩遊戲

 

今日玩了灰姑娘旋轉木馬, 小飛象旋轉世界, 瘋帽子旋轉杯, 3D 米奇幻想曲,

米奇金奬音樂劇, 小小世界, 小熊維尼歷險之旅, 巴斯光年星際曆險,

 歌舞青春熱跳速遞, 木筏及泰山樹屋

最後, 睇埋煙花表演至完滿

 

今日的戰利品好豐富 ... 有六十幾張貼紙, 但好多都重覆的