家姐終於肯剪髮

家姐呢把長髮留左成年都唔肯剪

 

知道表姐今日去剪髮至肯一齊去

但只係肯剪短5吋咋 ... 同冇剪有咩分別

 

細姑媽氹左一輪, 再加上表姐又應承將前額 D 蔭剪短 ... 剪到同佢一樣之後 ...

 

家姐終於剪番呢個齊蔭頭



傻爸的生日及父親節

傻爸話今年豬流感幼稚園停課, 老師冇同家姐做父親節咭 ... 驚今年冇父親節咭收喎

傻爸開到口, 梗係要做番D野 ... 同兩隻小魔怪做定張父親咭比傻爸先

今年的父親節咁啱又係傻爸的生日, 我地預先訂左個 "生日+父親節蛋糕"

今朝特登同家姐細佬落街攞了個蛋糕返嚟, 等傻爸一起身, 比個驚喜佢

5/2009 端午節 ~ 糉

今年食的糉好多元化

 

有買的, 嫲嫲親手包的, 靚媽朋友包的, 仲有朋友送的印尼糉

4/2009 復活節 朱古力

而家至有時間補番復活節的網誌

聖誕節就話交換聖誕咭, 估唔到而家的幼稚園生都會交換復活蛋

 

同學仔送比家姐的復活蛋朱古力

 



呢 D 就係家姐回番比同學仔的復活兔朱古力

 

細佬托住頭望住 D 朱古力 .... 好想食

 

但有得睇冇得食 .... 好慘呀!

鬼佬老細係唔同 D, 復活節會送盒朱古力氹吓你 ... 唔係我老細喎, 係傻爸的

 

傻爸又好醒目喎, 攞番屋企氹兩隻小魔怪

 

我好鍾意個 packing, D 兔仔好 cutie

 

Yummy 西柚雪糕

之前在 7 仔見到呢杯新野 .... 西柚雪糕

 

淨睇已經好吸引, 大大個西柚, 仲要 97% fat free ...  梗係要買番杯看門口

 

 

好好味, 唔太甜 ... 仲有好多果肉

 

但我只係食左一啖咋

 

成杯雪糕比兩隻魔怪食哂

 

 

細佬就嚟返學

細佬今年九月就返學喇!

 

雖然和家姐同校, 只有運動服及白色波鞋可以用番家姐的

 

書包及校服家姐仲要用, 所以買新的

 

而家仲欠一對黑色皮鞋就準備好哂 ... 唉, 對黑色皮鞋只係著夏季呢 3 個月咋, 唔係好想買對的

細佬的學生相係咪好攪笑?? 笑到四萬咁

 

其實好辛苦的 .... 好難至氹到佢著校服, 好難至氹到佢坐定定, 好難至氹到佢笑, 好難捕捉到佢的笑容

 

但... 值得的

 

10/5/2009 ~ 姑媽美甲店開張

姑媽考到美甲證書後, 想開舖好耐

 

搵到 partner 及合心水的地點後, 她的美甲店今日終於開業了

 

地點好方便又易搵 ... 在銅鑼灣耀華街的樓上舖 (即時代廣場後面果條街)

 

而家有個試做價 HK$188 咋, 各位有興趣的朋友可以去試吓 ... 勁抵

 

開張喎 ... 梗係帶埋成班細路踩旺個場喇!!!

 

呢個雪櫃就係我地夾份送的禮物
 

17/5/2009 ~ 芒果乳酪

材料及做法都好簡單

 

材料: 香蕉, 芒果及豆腐花

 

水果切粒, 將所有材料放拌機攪拌後, 即成一杯美味的芒果乳酪

 

 

家姐切水果似模似樣, 但愛乾淨的細佬很怕用手揸住香蕉嚟切, 切水果切到好似鋸扒咁

 

金魚仔

端午節又有一日假期

 

兩隻魔怪陪完我地飲茶, 就去金魚街睇金魚

 

家姐話好想養金魚, 行完成條金魚街, 揀左呢四條金魚

 

返到屋企仲改埋名

 

最大果條有一點黑點就叫小班點, 最細的叫 BB, 另一條叫家姐, 咁最後果條咪叫細佬?

 

 

又唔係喎, 果條到而家仲未有名, 家姐仲未諗到喎!

 

家姐真係好担心小魚仔, 食完晚飯返屋企途中, 成日問: 魚仔未食野, 咪好肚餓? 會否死?

 

瞓覺前, 又要同魚仔講 good night  

 

開心到跳起

爸在美國工幹, 不忘買手信比佢地

 

傻爸本來想買呢對公主鞋比家姐, 但我覺得冇咩特別, 要要揀過

呢對反斗車王水鞋十分吸引, 但細佬已經有兩對水鞋喇, 又 bend 埋

 

其實, 細佬好易氹的 ... 睇到張車王水鞋相已經好開心, 係咁指住張相笑, 唔洗買 ... 慳番 $$

 

呢 pack 反斗車王底褲仔就夠哂實用 ... 傻爸幾攪笑, 用張一佰蚊紙幣嚟當比例尺

細佬知道傻爸買左反斗車王底褲比佢, 即時開心到跳起

 

一番心機揀禮物送比人, 最想見的是對方收禮物時的驚喜及開心的樣子

 

細佬就真係交到戲 ... 多謝哂傻爸