2008-05 畫作

豬油撈飯

係咪睇見都想食呢??? 定係睇見就滯呢???
而家瘦身熱潮下, 個個都話減肥, 但我地仲去食呢 D 咁高脂咁高膽固醇的野

 

其實好...好...好... 間中食一次冇壞的, 何況今日係我媽媽的農曆生日, 佢話要試吓喎, 梗要滿足壽星婆的要求.  今晚老豆夜班, 三丁友就去左九龍城粗菜館晚飯.
好抵呀, 叫左三個餸一桶豬油撈飯三個人食, HK$170 啱啱好.

招牌抄豬雜

招牌抄魚腩

魚湯浸勝瓜

之後仲買左一客泰式椰汁糕 ($20 / 6 件) 比老豆宵夜.

母親節禮物

第三次過母親節, 之前兩年家姐仲細根本唔明白咩叫母親節, 冇特別慶祝
今年好特別, 收到家姐親手畫的咭及紙花, 仲用普通話唱左首媽媽好.  

細佬都食榴槤

雖然我食榴槤, 但一次都係食到一件, 所以寧願買靚少少的嚟食, 上年係九龍城永富買左個新品種的榴槤 "乾腰" 勁好食, 諗住買個考敬老豆都買唔到. 上個月老豆生日諗住買個靚靚榴槤比佢食, 打去永富問過話要 5 月至有, 咁啱今日返屋企食飯慶祝媽媽的生日及母親節, 咪去永富撞吓彩, 真係有得賣 ....... 不過就勁貴 $30 一磅 $240 一個, 肉痛到呢 .............

新 品 種 ： 乾 腰 今 年 永 富 專 程 由 泰 國 運 來 的 新 品 種 ， 坊 間 暫 時 未 有 得 賣 。 當 造 期 特 短 ， 只 約 在 五 月 。 屬 金 枕 頭 的 一 種 ， 但 外 貌 呈 圓 形 ， 大 小 像 足 球 ， 肉 厚 核 薄 ， 質 感 如 金 枕 頭 但 更 有 口 感 ， 熟 後 肉 呈 金 黃 ， 味 與 香 比 金 枕 頭 濃 ， 但 比 青 尼 清 ， 相 信 會 成 大 熱 。 約 $16/ 磅 (2007 年的價錢)

$240 得 4 粒咋, 佢會同你開左放落外賣盒, 方便攞走

  細佬幾識食, 一打盒蓋即刻嚷著要食, 連黏著义的榴槤肉都要食埋, 一D都唔嘥

刪除

編輯

+Comment

荃灣廣場~遊樂場

靚靚尿片褲

幾個星期前訂的奶粉終於送到 LA, 本來兩星期前送貨的, 但又話貨未到香港, 搞到失哂預算, 得返一罐奶粉頂成個星期, 家姐下午飲少一餐應該夠用的.
包尿片褲好靚...小鹿班比, 但個包裝粉紅色女仔D喎

包游泳片褲仲靚, 係 nemo 嚟, 仲型過著泳褲,
不過好貴 $32 / 3條

協康會~第九課

上次的課程已完左, 今日係另一個課程的新開始, 連導師都換左新的
今日又早左返嚟, 係度玩住玩具 warm up 先, 門口個職員姐姐話冇見 2 個星期細佬又大個仔左.
之後又見到之前的導師 Minnie 姐姐, 佢個肚又大左, 我諗有左 4 個月啦, 佢同細佬打朝呼, 但細佬只掛念玩玩具
細佬已經熟哂呢度, 自己周圍行,又坐車車, 又玩滑梯

  今日的主題 ~~ 手

  打皮球及保齡球, 仲係我的至愛 My Melody  波波

 

下午茶

每逢農曆初二及十六公司都會拜神, 拜神梗係有脆皮燒肉, 白切雞及豬脷, 再加上阿姐煲的粉葛蠔豉排骨湯及蒜蓉西蘭花, 呢個午餐真係飽到呢.......
食飯時華哥口多多, 被我地屈請食下午茶 , 到 4 點半仲飽飽滯, 之前餐晏都未落隔, 個個都話食唔落, 諗住留返聽日食, 但華哥好難屈 KA, 聽日一定唔認數.  但睇見個 MENU 的下午茶餐及瑞士雞翼鬼死咁吸引, 叫吓叫吓就叫左 1 份公司三文治, 8 隻瑞士雞翼, 3 份西多士, 1 份避風塘雞翼, 2 份司華力腸拼薯條, 盛為 ...... $280, 拆開 D 外賣, 大家都以為食唔哂 ....... 但 10 個晏就食到飽飽飽滯滯的人..... 竟然掃清哂 ......

 

 

科學世界

學校經常有主題活動, 今明兩天就係 "科學世界", 仲歡迎各家長義工幫手.
家姐仲話同坐火箭的外星人影左相 TIM.

 

 

  呢隻烏龜水池用嚟放船仔, 小朋友將船仔在水上面, 再用手推或用口吹佢前進

  唔係淨係沙灘到有沙玩, 學校都有 KA

  水管傳送

仲有吹 Bubble ~ 家姐攞返學校的吹 bubble 板仲比小朋友整爛左, 家姐叫我原諒佢地, 佢地唔小心咋

跳跳馬