年初二 ~ 草莓天使冬甩

食完晚飯行商場消化吓

但表哥聞到陣陣冬甩香味又話要食

呢個唔刮底的表妹仔梗係要食埋一份

最初以為佢食兩啖就唔食

點知佢食吓食吓真係食哂成個.  

見佢咁鍾意食, 即刻買多兩個做早餐.

粉紅色嗰個就係家姐好鍾意食的 "草莓天使" 冬甩,  
另外仲買左裡面有草莓醬及蘋果醬的 "草莓" 及 "玉桂蘋果" 冬甩 
~~ $12 一個都幾貴, 但大小姐鍾意食都冇計

年初一 ~ 祝大家鼠年進步

恭喜發財!!!

祝各位事事順利, 身體健康, 萬事勝意, 心想事成, 出入平安, 學業進步, 一本萬利, 龍馬精神 ..................

 

年三十

老闆年年都買桃花, 取其 "大展鴻圖", 今年棵桃花頂到上天花
 
開工利是的利是封好靚, 仲有 3 粒司華洛世奇的水晶

   

無無聊聊, 擺左個迷你糖果盆係自己個位

 
今日係公司食團年午飯 ~~ 鮑魚盆菜

細佬新寵 -- 背囊

噔噔噔 ..... 呢個 Ernie 背囊, 就是細佬的新寵,  連瞓覺都要揹住佢

 

維園花市

估唔到年廿九維園花市都咁多人, 往年都係年三十行花墟, 今年諗住早一日避開人潮

 

 

好少見到 Melody & Kurumi 汽球
  
 

而家好少搭港鐵, 咁都比我搭到架出前一丁列車
其實列車裡面都好靚, 但拎部相機出嚟影相, 好似好娘咁 ..... 有 d 後悔 tim 

 

甜姨姨甜品

去到天后梗係要食埋甜姨姨的榴槤豆腐花

 

 

8 年前的全盒

今日老師一定講解農曆新年的特色, 家姐返屋企就話要一齊放全盒, 行年宵睇桃花, 年初一有花車巡遊, 年初二放煙花 ........

以前兩個人住, 放咁多糖又食唔哂; 家姐出世後, 又驚佢周圍攪及唔想佢食咁多糖,  所以好耐冇擺全盒.  唯有摷返 n 年前的全盒出來 ......... 嘩, 個全盒 8 年前 ka, 2000 年

 

 

去街街

家姐咪阻住著鞋, 趕住去街街

bye bye

協康會playgroup第一堂

家姐之前都有報協康會的playgroup, 不過讀唔到, 佢排左年幾到讀 n1 至有位, 但細佬等左半年就有位 la .
今日個導師教的野, 細佬都識得做 ..... 梗係喇, 細佬最鍾意跟住家姐, 家姐做咩佢又做咩, 有樣學樣, 咪識 lor .  例如用玩具刀切野, 坐係 fitball 上面 bounce, 學舉手等.

 

 

 

上完堂, 消耗咁多體力, 梗係要食件餅補充返

迪士尼(5) - 新年篇

今日好凍呀, 9 度咋, 新界地區仲凍 ......但請左半日假同家姐, 約埋大姑媽, 細姑媽及表哥表姐及婆婆等 9 個人一齊去迪士尼玩, 要做足禦寒措施, 帶左頸巾及厚褸, 不過都帶漏手套比家姐.
爸爸接左家姐放學後, 同佢講帶佢去一個佢好想去的地方, 佢唔洗諗就講迪士尼, 仲好乖咁食哂碗粥, 接埋我一齊出發喇
家姐的觀察力幾好, 一去到門口, 就同我講 "媽咪, 睇吓冇哂 d 南瓜, 換左新年裝飾

好得意呀, 個福都係米奇



森美設計的 "姻緣" 米奇

阿 Jan 林海峰 設計的 "常歡" 米奇連汽水杯都換新裝
家姐特登除左件褸比貝兒睇吓佢件貝兒T-shirt

  家姐上次見到木須好驚, 要木蘭拖住佢至肯影相, 但今次見唔到木須, 就問木蘭佢去左邊
每次必食的黑加侖子啫喱雪條, 今日咁凍, 家姐都要食 ~~ 除左迪士尼, 仲有邊度可以買到, 請通知我


呢個玩具, 家姐次次都玩, 但我一定唔會買, 因為驚佢 "製" 到細佬

今日的戰利品
$35 ~~ 好抵的公主水杯, 仲有個皇冠袋仔送
$25 ~~ 星型嗰個係公主毛巾仔
$30 ~~ 公主毛毛筆

最後, 梗係要食埋家姐的至愛 popcorn 至走得