Thinker Bell 美甲套裝 ... 不是我的, 係5歲囡囡的 ^ ^

我家大小姐貪靚係人都知
早前友人送了一套美甲套裝比我 ... 係我家大小姐至啱

好 fancy 的粉紅色 Thinker Bell 美甲套裝
好睇又好用的，設備齊全，有甲油、閃色指甲貼、鏡、指甲掃等

有 7 支指甲油，顏色都好靚的

 

電動指甲掃，唔洗自己掃得咁辛苦

貪靚的囡囡梗係即刻開嚟試喇 ... 幾專心搽甲油

搽完甲油，要吹乾的

但掛住玩，唔記得幫靚指甲影相
始終是小朋友的玩意，非常安全，甲油完全冇天拿水味
不過 keep 得唔耐，洗水就會甩 ... 所以囡囡搽完唔係好鍾意洗手喔

終於都敗了...Godiva 花花棒朱古力

上次都話囡囡一定鍾意呢支花花棒朱古力
果然冇估錯...行哂成間 Godiva，佢只係睇中呢支花花棒朱古力
其實我想佢買朱古力蛋多D，呢支花花實在太大支了 ... 佢點食得哂
最後，當然買了 ... 仲要係佢至愛的粉紅色花花
不過，唔係我買的...係佢姑媽送的復活節朱古力 ... 多謝哂

點少得細佬仔個份，囝囝的復活蛋朱古力

拜拜了, 好唔捨得你 ...

我揀手提電話的首要係簡單易用
不時我只係用嚟打電話咋，message 都少 send ... 係咪好 out 呢
雖然呢個電話跟了我兩年，款式有 D 舊，反應又有 D 遲鈍，但我都堅持唔換
我最怕換新電話，又要 set up 過所有 setting，又要入過電話 memory，最重要係要重適應過

拜拜了 ... LG
但我最唔捨得的唔係部電話, 而係 ...

... 係貼在電話背面的貼紙
就係呢張 My Melody bling bling 貼紙 ... 千祈咪笑我低B
呢張貼紙搵了好耐至買到的，通常都係得 hello kitty，my melody 好難搵的
... 都唔知仲買唔買到另一張 ???

至於我的新機 ... 就係呢部白色16GB 的 iPhone
傻爸話實在太睇唔過眼我部遲鈍的LG，加上佢又加了人工，咪幫我換了佢
佢仲好細心咁幫我 load 哂我的電話簿，set 好哂至送比我

推介泰國好物 ~ 有香味的驅蚊水

農曆新年假期去泰國玩了幾日，仲未有時間執相寫遊記
但介紹我在旅行時買的一件好物推介比大家
泰國多蚊大家都知，每日一定要噴定驅蚊水保護自己，否則成為蚊蟲的甜品
我在泰國的便利店搵到呢隻有香味的驅蚊水，只賣 30泰珠 (HK$7.5) 30ML

用法方便簡單，只須噴在衣物及皮膚上即有噴驅蚊作用
30ML 的細支裝，方便隨身攜帶，隨時補噴

驅蚊效長達 7 小時，仲有淡淡的花香味，好好聞喔!
買了梗係即刻試用，在今次的旅程中，每日噴了佢至出街 ... 連同行男友人亦愛用呢

閃閃 ... 水晶利是封

年少的時候，好開心到處逗利是，在意的都是利是的 "內涵"

結婚了，到自己派利是，反而在意 "外在美"

尤其是第一年，好鍾意四圍搜羅靚靚利是封，甚至花錢買呢

呢間水晶出哂名的品牌，連利是封都有水晶的

而且每年款式都不同，今年都唔例外 ... 有兩隻好有神的水晶虎眼

一包十個，有一個大封利是封套住 ... 個大利是封我會留住，喜慶場合封 "人情"

 

 

前 3 年的利是封都好靚的 ... 我最鍾意豬年果個

 

 

5 歲小妹妹都去修甲及美甲 ^^

呢個 5 歲就去修甲及美甲的小妹妹咪係我個貪靚的囡囡囉
佢 4 歲開始已經由專業美甲師修甲及美甲喇 ... 當然是在學校放長假期的時候至可以搽甲油喇
得閒又會做吓 hand mask 保養對手

 (可以去呢度重溫"一家三口齊做 hand mask" http://hk.myblog.yahoo.com/estertingho/article?mid=3194)
好彩有個包佢成世修甲及美甲服務的御用美甲師咋 ... 多謝哂!!! 姑媽 ^^

上星期我及傻爸去剪髮，呢個貪靚的囡囡又跟埋去剪個靚髮過年
傻爸醒起囡囡的指甲長了，要修剪，就問囡囡剪了指甲未?
囡囡好自然咁答 "修左甲了，好靚好乾淨"
我個 hair stylist 呆了一陣，成串問號在塊面上 "咁細個細路女去修甲???"

哈...哈 ... 呢個貪靚囡囡今日又美甲了
其實姑媽帶了一大堆甲油嚟是諗住幫婆婆油甲的

但又比呢班貪靚的小妹妹插隊，做完呢 3 個貪靚妹至到婆婆

呢兩個貪靚妹油完甲了 ... 唔敢亂動怕弄花指甲呢

由於時間關係，簡簡單單的油甲
囡囡油了粉紅色甲油 + 白色波點
表姐仔油了桃紅色甲油 + 銀色閃邊

團年飯

今日是牛年最後一個工作天
亦是公司的團年飯
出街食又人山人海，最穏陣是在公司食 ... 盤菜就最簡單方便了

鴻星海鮮酒家 ~ 原隻 30 頭南非鮑魚金裝盤菜

仲有應節的糕點 ~ 煎芋頭糕

好有意頭的生菜魚肉湯

食完飯仲未收工的, 仲要做埋D手尾 ... 好似封利是 ^ ^

學校都有年宵市場 ^^

雖然今個星期六就是農曆新年了，但真係唔多覺有新年氣氛
只是覺得好好好忙 ... 忙咩??? ... 咪公事囉，真係做到氣咳!!!
直至昨日早上，見到兩隻小魔怪著住新年服至 feel 到少少新年氣氛

學校在放春節假期前，一連三日在操場辦模擬年宵市場
有很多野玩的，有年宵攤檔擺賣玩具及年花，仲有熟食檔食蘿蔔糕等

 

最搞笑是有舞獅 "採青"

真係估唔到...送咁大支試用比我 ^^

大家記唔記得我的第一篇試用文係咩???
就係 我的第一篇試用文 ~ Aqua Label 全新升級版「赤之保濕」系列

之前見 Aqua Label 的 PR 跟進其他 beauty blogger 的試用文
但我的試用文又唔見有回應喎，有 D 擔心係咪我的試用文寫得唔好???
點知某個夜晚真係收到留言呀 ... 佢仲同我 say sorry 咁遲至有時間回覆我咁話...
其實係我要講句 sorry 至啱 ... 妳咁忙仲要加重你的工作 ... 咪就係攞試用囉

我見其他 beauty blogger 試用完 Aqua Label 膠原保濕修護面膜都讚不絕口
就厚顏要求一塊試用，另外想試埋它的防晒乳
點知昨日收到一件小郵包，裡面有 2 塊膠原保濕修護面膜及防晒乳 1 支
... 係 50ml 的貨 size 嚟，仲以為得 2 小包試用 tim

多謝妳 Carmen ... Thankssssssssssssss

長腳蟹鐵板燒 @花盃日本料理

特登長途跋涉過海食呢餐 ... 我的至愛但又唔捨得食的日式鐵板燒
銅鑼灣 ~ 花盃日本料理 Hana Sakazuki

7 個人book 了間房 ... 坐得好舒服

未齊人， order 了支蜜柑酒及小食食住等
我鍾意飲的水果酒，好得意的，好似飲果汁咁，有一粒粒的蜜柑果肉
用日本溫州蜜柑釀製，甜甜地好濃的蜜柑味，甜味蓋哂酒味，好易入口

日本溫室蕃茄 ... 點少少海鹽更能帶出蕃茄味

日本漬物 ... 蘿蔔及牛蒡

人齊了, 先嚟個 toro 刺身

再嚟就今日的主角北海道長腳蟹 ...
好大隻喔 ... 長腳蟹鐵板燒第一次試 ... 好好味，勁鮮甜
跟住仲有鵝肝壽司、鐵板燒和牛、黑豚肉、炒野菜及炒飯
掛住食 ... 冇影相

最後，食埋個蜜柑雪芭