【尖沙咀食記】好有驚喜的海藻烏冬。抹茶芭菲 ♥ 宏 Hiroshi

與閏蜜逛街前先食嘆個悠閒的午餐
我們兩個都被店前的甜品櫃吸引入了嚟

心多的我，揀了份 ... 迷你三彩丼定食 (優惠價 HK$148)
一份套餐有齊三款主食，一次過食到小碗鰻魚飯、吞拿魚碎魚生飯和海藻烏冬
還送餐飲、沙律和甜品，真是啱哂有選擇困難的我呢 !!!



小碗鰻魚飯的鰻魚又厚又肥美
配上微甜的特製醬汁飯飯食一流 ~~



米飯被吞拿魚碎遮蓋著
每啖飯都嚐到鮮美的吞拿魚碎 ~~



第一次食海藻烏冬
由 100% 純日本國內出產的小麥粉和海藻等製成，含有豐富的食物纖維和

麵條上面有綠色點點的應該是海藻 ...
海藻烏冬入口順滑，配上醬油湯底和蠻多的昆帶，不錯



友人點了客午餐 ... 炸豬扒套餐 HK$78



米飯使用日本新潟米，炸豬扒大大件，炸漿薄脆又不油膩
仲有一大份蔬菜沙律平衡番 ~~



愛焙茶的我特別 +HK$20 將餐飲轉了杯宇治焙茶奶
焙茶味道甘香濃郁，入口微甜又有奶香，記住趁熱飲，好味點的

友人的餐飲 ... 高級斯里蘭卡紅茶



我的迷你三彩丼定食附送的甜品 ... 小抹茶蛋卷
蛋卷口感鬆軟、抹茶忌廉又香又滑，一小卷真是不太夠喉，所以每人多點了客抹茶芭菲 ~~



友人的 ... 抹茶軟雪糕芭菲 HK$88



我的 ... 抹茶芭菲 HK$78 ... 賣相好吸引呢 !!!

最上面的脆餅又香又脆，最啱點少少抹茶雪糕一起食
茶香甘濃又軟糯的抹茶麻糬配上香甜的吉士忌廉
接著是抹茶啫喱配吉士忌廉，香滑忌廉配芝士蛋糕
最後仲有脆卜卜的粟米片

配料豐富又有層次感的抹茶芭菲
由最上層開始，一口一口挖下去都好有驚喜的甜品 ...



宏 Hiroshi
香港 九龍 尖沙咀 彌敦道 100 號 The One 五樓 502 室

** 以上分享是以我的口味、喜好和情況作出分享及感受，一試 / 合用與否請自行決定