終於寫完去年南九州自駕遊的遊記
之後，又要繼續努力寫今年年 2 月的關西鐵道遊
和 7 月尾的台灣遊 ...
* * * * * * * * * * * * * * * * * * * * * *
【2016 年 8 月 26 日。星期五。第七天。日本 鹿兒島】
行程的最後一天，其實冇編排任何行程
在 AMU Plaza 的 Krispy Kreme Doughnuts 食了囝囝囡囡至愛的冬甩早餐
再在 AMU Plaza 逛下
就要返酒店拎行李出發到機場還車
本來諗住去到機場，還了車才悠閒地食午餐
但是我們幾隻為食怪，在往機場途中見到這個好吸引的廣告牌 ...
我們都愛吃的 ... 回轉壽司... 仲要是『全皿』100円
當然，即刻泊車，入去食個午餐才繼續 ...
無添くら壽司在日本各地都有分店
全部壽司 100YEN 一碟，質素不錯，所以好受本地人和遊客歡迎的
我們光顧的鹿屋市分店可能不太近旺區
不太多食客，不需等位，可以即時入座 ~~
上層是儍媽鍾意的回轉輸送帶
下層就是囝囝囡囡鍾意的高速輸送帶 ... 只是欠缺了架新幹線火車
與香港的回轉壽司店一樣
枱面有醬汁、薑片、熱水喉和綠茶粉自行沖調
旁邊仲有一個碟子回收孔
食完壽司，只要將碟子丟入回收孔，便會自動計算
每回收五碟，原本用來點餐的平板電腦，就會轉至遊戲 mode
如果贏了，上面的扭蛋機就會自動滑出扭蛋，有機會贏到免費拉麵或壽司
不過，我們這日的運氣好似差了點
食了 25 碟，有 5 次扭蛋機會，但是只中一隻扭蛋 ... 卡通襟章一個
邊吃壽司邊玩扭蛋贏奬品，真是幾特別
仲好受小朋友歡迎 ... 囝囝囡囡好乖巧的搶著幫忙執拾 ... 回收碟子
別以為搞花巧，食物的質素就 ...
雖然壽司只是 100 円一碟，但是質素都不錯的
油甘魚壽司上面的油甘魚夠厚又大件
海螺壽司新鮮又爽口
希靈魚籽壽司成片都是黃色的魚籽，入口爽脆又鮮味，三隻大小魔怪最鍾意 ~~~
我至愛的海膽壽司也是 100 円一碟 ...
咁抵 !!!
當然要食多兩碟 ~~
仲有墨魚壽司
左口魚裙邊壽司
螺肉軍艦
鰻魚飯都有得食，但不是 100 円 ...
這碗超高級鰻魚丼 980 円，有兩塊滑嫩的鰻魚
加了特製醬汁的米飯甜中帶甘，美味 ~~
最後，當然要食埋甜品至完滿 ...
在碎冰上面淋上士多啤梨醬的 ... 士多啤梨雪葩 230 円
味道太甜膩，不太合我的口味
好彩，仲有味道清甜的 ... 蜜瓜雪葩 150 円 ... 好抵食呢 !!!
去到鹿兒島機場，可以浸埋天然溫泉的足浴才返香港 ~~
無添くら壽司
** 以上分享是以我的口味、喜好及情況作出分享和感受，一試 / 合用與否請自行決定
【南九州自駕遊】恐龍滾軸滑梯 ♥ 大隅廣域公園
【南九州自駕遊】donut ♥ donut ♥ 每次到日本必食 Mister Donut
【南九州自駕遊】鹿屋市住宿篇 ♥ 鄉郊小屋 ♥ Lilac Hotels & Resort
【南九州自駕遊】櫻島 ♥ 活火山散策。泡免費足湯
【南九州自駕遊】即炸即上碟。抵食天婦羅專門店 ♥ 那かむらイオンモール鹿児島店
【南九州自駕遊】鹿兒島住宿 ♥ 價錢實惠。有天然溫泉。免費夜鳴拉麵 ♥ Dormy Inn 鹿兒島
【南九州自駕遊】薩摩藩主的美學庭園 + 貓神社 ♥ 鹿兒島。仙巖園
【南九州自駕遊】鹿兒島美食。夏季期間限定 ♥ 涼麵 ♥ 冷擔擔麵
沒有留言 :
張貼留言