與朋友講好想食韓國菜，她即刻帶了我去食 ...新派韓食
仲有韓國靚仔 Oppa 招呼和炒飯比我們食喔 !!!
枱上面貼了張單張列出這兒的十道招牌菜 ... 相機食先十大必食名菜
絶對幫到手 ... 幫了我們兩個有選擇困難症的阿姝媽不少
就在這十道名菜揀幾道喇 !!!
先來兩款飲品 ...
朋友的 忌廉插柚子沙冰 HK$38
好大杯呢 !!! 原支忌廉汽水倒插在的杯中的柚子沙冰內，所以飲上去不太冰，好解渴
我的 韓國菠蘿冰 Pineapple Smoothies HK$58
以原個菠蘿去芯加冰攪拌而成，酸酸甜甜，果味濃郁，香甜清新又醒胃
冷盤是第五位的 醬醃莞島鮑魚 HK$119 / 3 隻
朋友唔食生醃的醬油蟹，這道先蒸熟再以醬油和配料醃製的鮑魚啱哂她
醬油味道不太濃和不會過鹹，有醬油味但又無遮蓋鮑魚的鮮味，食落去仲好爽口
接著是第三位 韓式大蔥蜜糖炸雞 HK$42 / 5件
炸雞大大件，雞肉嫩滑，脆漿香脆又不太厚
好鍾意拌碟的酸蘿蔔粒，食完炸雞食番幾粒可以解油膩
最後，到重點的第一位 ... 漢拿山芝士蛋溶岩炒飯 HK$128
靚仔 OPPA 準備好食材後，在我們面前炒飯比我們食呀 !!!
OPPA 先炒白飯，再加入豚肉、蘿蔔絲、紫菜和醬油拌勻
之後好有心機的將炒飯整成 心 型
然後將蛋漿倒在心型炒飯的周圍，加入芝士碎煮多陣就食得囉 !!!
這個漢拿山芝士蛋溶岩炒飯可以揀辣或者不辣
朋友仔不食辣，所以點了個不辣的
我鍾意少少辣，所以加了點辣泡菜和韓式辣醬一起食，味道惹味點，好食點的
這兒的午餐都幾抵食，又多選擇 !!!
下次要嚟試下先 ...
Sister Korea Cafe 新派韓食館。長沙灣店
香港 九龍 長沙灣 元州街 303 號 元州商場地下 G16 號舖
https://www.facebook.com/sistercafeUC/
** 以上分享是以我的口味、喜好和情況作出分享及感受，一試 / 合用與否請自行決定
沒有留言 :
張貼留言