我們入住澳門銀河酒店 20 樓的房間 ...
一出電梯,兩隻小魔怪就心急的去找房間
房間好大喔 !!!
一入就是浴室 ... 超大的浴室 ... 真是大過屋企間房 ... 除了有浴缸,也有淋浴間
浴缸邊的一道牆用了一大片玻璃窗作分隔
可以一邊浸浴一邊睇電視 / 電影,都幾爽
如果嫌太 open 的話,可以拉上遮簾 ... 咁就睇唔到囉 !!!
毛巾、浴衣和印刷精緻的盥洗用品齊備
軟熟又敞大的床,我們一家四口都好充裕
我最鍾意躺在這張小貴妃椅上睇電視
儍爸和兩隻小魔怪就被個開揚景觀吸引著 ...
房間的大窗可以看到樓下超大超想玩的天浪淘園
平時住酒店,睇見迷你吧的小食只是乾睇不會食,因為價錢 ...
但是這兒提供的薯片、杯麵、支裝水和雪柜裡面的汽水啤酒,都可以免費享用的
這個服務真是超貼心!!! 抵讚呀!!!
坐在張舒服的小貴妃椅上,邊食薯片邊睇電視,爽呀 !!!
或者游完水,口渴又肚餓的時候,食碗麵飲罐冰凍汽水,超爽呀 !!!
如果唔夠,就要到樓層的自助售賣機付費補貨呢 !!!
講到美食,不得不提『Festiva 群芳』的超豐富自助早餐
多款果汁、咖啡、茶任飲,仲有不同口味的早餐任君選擇
中式 ~ ~ 點心包點、炒麵、粥、即煮粉麵 ...
西式 ~ ~ 煙肉、香腸、麵包、多士、即煎奄列、炒蛋 ...
東南亞風味 ~ ~ 椰漿飯 ...
印度風味 ~ ~ 印度薄餅、咖哩雞、牛、豬 ...
澳門銀河的時尚匯購物中心有超過 200 間商舖
有著名國際名牌、旗艦店和首度進駐澳門的品牌
店舖種類有手袋服飾、運動用品、護膚化妝品 ...
連售賣澳門手信的店舖都有 ...
娛樂方面,可以去賭場碰碰運氣,但是賭場要年滿 18 歲才可以入去的
如果帶著小朋友就可以去睇套電影
或者好似我們咁去欣賞一場精采的表演 ... 百老匯奇幻秀 ← 詳情下篇遊記再與大家分享
澳門銀河酒店
澳門 路氹城『澳門銀河』綜合度假城
https://www.galaxymacau.com
** 以上分享是以我的口味、喜好和情況作出分享和感受,一試 / 合用與否請自行決定
【澳門遊】表情巨星 ♥ 兔斯基 10 周年慶生活動 ♥ 躍動世界全運會
沒有留言 :
張貼留言