自家煮 ♥ 潤肺止咳 ... 粟米栗子海底椰紅蘿蔔湯

平日大多見到乾製一片片的海底椰
這日在街市見到新鮮的海底椰
囝囝又有幾聲咳，就買了包嚟煲湯比兩隻小魔怪飲

海底椰 ... 潤肺止咳、消燥清熱的功效

栗子 ... 健脾益氣

這日煲的粟米栗子海底椰紅蘿蔔湯，材料好簡單 ... 粟米、栗子、海底椰、紅蘿蔔
其實可以加入豬骨或者豬展，但是我想清清地，只加多粒蜜棗去煲

夏天要飲多點水，但是無味的水，小朋友又點會鍾意飲
這個湯甜甜地，好似糖水咁 ...
佢地就鍾意飲喇 !!!
還會食埋煲湯的粟米、栗子、海底椰、紅蘿蔔

這日約了朋友仔來屋企玩，摷番很耐很耐無用的真空煲出來煲湯
唔需睇火，方便又節省能源

把所有材料切件，煲滾水後加入所有食材，大火煮滾後繼續煮 15 分鐘
放入外鍋中，置 3 小時
中途拿出來煮滾約 15 分鐘，再放回外鍋中 ... 3 小時後就跟明火煲的老火湯一樣

** 以上是以我的口味、喜好和情況作出分享，一試 / 合用與否請自行決定