當然要買一些地道手信孝敬我地這班為食同事
本來想叫他買蝦膏、魚仔乾、鹹魚等，又好似好過份咁喎
終於 ... 只 order 了這些好耐冇食，又好想食的茶粿
全部都是「獨立包裝」，食起來好方便
原來他們太晏，其他口味的茶粿都賣清光
只買到「花生+眉豆」咸茶粿 及 「雞屎籐」茶粿
其實我最想食芝麻甜茶粿
竹葉上是一團由糯米粉及粘米粉搓成的粉團
外皮暖暖的好軟熟，煙靭得黎又不會黏牙
裡面有花生碎、幾近粉狀的眉豆、很好吃
令一向吃慣甜茶粿的我，也愛上這款咸茶粿
雞屎籐茶粿黑黝黝的，賣相不太討好
其實它有 清熱解毒的療效
雞屎籐是香港常見的植物，也是很有用的草藥
可驅風鎮咳、袪痰止瀉，對感冒也有藥效。
在新界郊區的路邊、郊野公園等地方都有它的蹤影
全株具有難聞的雞屎臭味而明名
當雞屎籐經過煮熟後，就冇那難聞的像雞屎臭味，而且味道清香
客家人會在清明節前後，用雞屎籐葉來做茶粿
因這個季節濕氣重，人容易生病，所以食它來清熱解毒
冇餡料的，煙靭的糯米糍咁
頗濃的青草味及淡淡的草藥味，仲有少少茶香
其實這種特別的味道也不錯的
沒有留言 :
張貼留言