我就很喜歡弘大，滿街是小 boutique，而且衫的品質及款式也不錯
逛到累，也可以揀間特色的 coffee shop 抖下 hea 下都不錯的
食店也有很多選擇，如西式餐廳、韓式 BBQ、日式美食
... 當然不少得地道的韓式小食攤
交通：地鐵 2 號線 239 號站『弘大入口』
一出地鐵站，就見到好多地道的韓式小食攤
真是太好喇 ... 食少少野有力氣，至開始 shopping ... good
有炸物、串燒、炒年糕 ... 全部都想食，揀咩好呢?
第一次試韓式小食攤，原來先與阿朱媽點食物，食完後再根據碟及竹籤數目結賬
我地食了以下 4 款食物 W2000 (HK$15) ... 超抵食 !!!
韓式魚蛋串 ... 類似日本的關東煮，賣相不太特別，其實很辣的，湯內放了很多黑椒及青椒下去煮，魚蛋串吸滿了辣汁，很惹味。仲有記住試埋個魚蛋湯，免費的
炸蝦及炸餅 ... 好新鮮的蝦，即叫即炸熱騰騰，但不油膩，記住加特製的醬油
炸蟹柳卷 ... 我好鍾意這個炸蟹柳卷，用紫蘇葉包住蟹柳再沾脆漿炸，紫蘇葉好香及蟹柳好夾
食飽飽就開始 shopping
弘大的店舖滿有特色的，這間 Hello Kitty Cafe 也是很多遊客必到之地
掃完貨，去食晚餐 ... 其實弘大有很多特色食店，真是好難揀的
我地兩個海鮮怪比門口的生猛海鮮吸了入嚟的
估唔估到天花吊住 (即是黃色箭咀指住) 的是咩 ???
開估喇 ... 就是紙巾
吊在天花勁方便取用，又唔會佔用枱面的空間 ... 一舉手就攞到，比 10 個讚佢
一貫韓食的作風，一坐下就奉上的湯及前菜 ... 但冇泡菜的 >.<
第一次未食主菜先食甜品 ... 蘋果及水蜜桃糯米糍
兩人份的海鮮鍋 W34000 (HK$250)
鍋內有一大隻魷魚、象蛂蚌、帶子、蛤蜊、蜆 ... 差不多全是貝殼類海鮮
海鮮都很新鮮，滿滿一鍋的
鍋內冇湯，海鮮也冇濃濃的醬料及味精，看似灼熟的
食時只須配上蔥絲及韓式辣醬已好好味
食到最後，發現鍋底有一個蒸隔，才知原來海鮮都是蒸的 ... 怪不得咁鮮甜
有機會來弘大，一定要試這個咁抵食的海鮮鍋
2011 首爾自由行 ... 網誌回顧
2011 首爾自由行《買物篇》... 血拼雪花秀
2011 首爾自由行《交通篇》... 韓版八達通 T-money
2011 首爾自由行《酒店篇》... CasaVille Shinchon Seoul
2011 首爾自由行《DAY 1》... Honey Butter Bread @TOM N TOMS COFFEE
2011 首爾自由行《DAY 1》... 清溪川、東大門、黃鶴洞食具街、首爾中央市場
2011 首爾自由行《美食篇》... 好特別的烤三層肉
沒有留言 :
張貼留言