第一次 ... 睇大戲

今晚去完街街返到屋企

家姐刷刷吓牙聽到唱大戲的聲音, 就諗記今日有 d 野未做

 ... 就係睇大戲

昨晚又係在刷牙的時候, 聽到附近球場傳來唱大戲的聲音

家姐好奇的問大戲係咩???

我未來得切回答

家姐已經講老師話大戲係中國的傳統戲曲, 好想去睇

雖然已經是晚上 10 點

但一家四口帶齊雨具照樣出發睇大戲

今晚表演的劇目我都係第一次睇

仲要用潮語 ... 好彩有電子板顯示字幕咋

最初我估佢地不消十分鐘便悶到要喊走, 但真係估佢唔到 ... 

家姐竟然好有心機睇

睇足兩個場節 (成個鐘的), 仲話下次要再睇

細佬 ... 梗係瞓左喇!!!

記得兒時

每當天后誕婆婆都會帶我地坐太婆的船去蒲台島睇大戲

仲會過一晚 tim

因為太婆係水上人

會早一日駛船去蒲台島的避風塘停泊, 以便翌日一早拜神

我地三兄妹就最開心

因為可以同表哥表姐們一齊在太婆的船上過夜, 好不熱鬧

仲記得夜晚躺在船上望著星星 ...  吹著海風 ...  聽著海浪聲瞓覺

好舒服的

白天大人拜神睇大戲

一班細路便通山跑及去鬼屋探險

真想帶家姐及細佬一齊去體驗 ... 

但太婆的船多年前已賣了並搬上樓住了