沙巴之旅 Day 3 ~ 15/7/2008 AM @Nexus 沙灘及泳池

琴日報左名參加 Local Tour
7:50AM 拎埋沙灘玩具及食物去食早餐, 再到 lobby 集合

琴日買定家姐的至愛冬甩及我好想試的榴槤冬甩,
雖然個 tour 包左 BBQ LUNCH, 但都係驚唔啱食

  

  

食食吓早餐忽然落大雨, 根據我地呢兩日的觀察,  沙巴的天氣好特別
每日下午 4 時會落一個鐘頭雨, 到 5 時又會天晴喎
所以我地諗呢場雨都係落一陣啫, 應該可以如常出發的

8:30AM 到 lobby 集合時仲未停雨及有少少風
個導遊話我地可選擇如常出發或改明日... 
梗係改明日喇, 落雨出到島冇瓦遮頭, 2 隻小魔怪病左點算

沙巴的天氣果然特別 .... 
9:30 AM 停雨, 仲天朗氣清, 即刻立齊沙灘玩具及水泡去酒店的沙灘玩

 

 

 

  係沙灘玩完沙再去泳池游吓水先  

  今日家姐終於肯試玩滑水梯, 更愛上玩 tim
浸左咁耐水, 家姐及細佬對腳摷哂皮