換了返番喇 ... HK$130 Bioderma 補濕產品3日試用裝

昨日去 TST ，順路換埋呢份試用裝

價值 HK$130 的 3日試用裝 ... 貨裝都唔平喎

第一時間攞份試下先 ... Bioderma 補濕產品 3 日試用裝

適合混合性偏乾皮膚的 ... 啱哂我

 

未換的 sis ，快 D 去換喇 ~~

美白去斑 4% 幫到妳

以前因為懶塗防曬致留下的雀斑及色斑
試過很多品牌的產品都無法去掉
本來準備自掏腰包敗這支連皮膚科醫生都有選用的
Eldoquin Forte 4% 美白去斑乳霜
怎料有這次試用機會 ... 實在太好了
Eldoquin Forte 4% 美白去斑乳霜 ~ 由美國生產及進口，蘊含醫學界公認最有效、在美國被廣泛使用超過 30 年的 Hydroquinone 強效美白淡斑成分，具醫學實證：

有效抑制造成黑色素產生的酪胺酸酵素的活性，阻斷黑色素形成

• 對不同種類的色斑，如黃褐斑、黑斑、雀斑及妊娠斑、年齡斑或膚色不均等有顯著功效，亦適合想及早預防黑色素過度增生而出現色斑的人士使用

• 接受激光治療前後使用，可減低色斑重現的機會

Eldoquin Forte 4% 美白去斑乳霜    (HK$159)

美國生產及進口 ... 品質有信心保證

生產日期清楚印在產品上 ... 用得安心

乳霜用錫蓋密封好，要用粉紅色膠蓋的尖咀開封 ... 確保產品的質素

使用方法：潔面 → 爽膚 → 精華素 → Eldoquin Forte 4% 美白去斑乳霜 → 潤膚乳
(只供局部外用) 每日早、晚塗於面上有色斑的位置，例如：臉頰、鼻子、前額、下巴等，薄薄一層即可

白色霜狀 ~ 比較厚身，薄薄一層塗在有斑的地方，輕輕推均待一陣便變透明，吸引進去

質感清爽 ~ 一點也不油膩，也冇引起敏感及紅腫
冇香味 ~ 可能應用於醫學方面，冇添加任何香料

有淡斑嗎??? 如果我講完全去哂斑斑，你一定唔會信。用了差不多 2 星期，面頰的色斑明顯減淡了，相信連續使用長些時間，色斑會再退多些 ... 效果非常滿意 ... 我會 keep 住用。
另外，我每晚都將去斑乳霜塗在手背的色斑上，一星期後色斑真係減淡了，希望用多兩星期可以有番隻白白玉手!!!  雙手往往是我們忽略的地方，平時出街只護面上的防曬，其實雙手也需要防曬的 ... 想好似我咁有隻白白玉手，試下 4% 喇!!!

溫馨提示

• 日間記得使用防曬乳免受日曬傷害，因而令黑色素再次增生
• 如要使用彩妝品，請待 Eldoquin Forte 4% 美白去斑乳霜被皮膚完全吸收後，方可使用

超豐富的午餐 ~~ 汕頭澄海老四@九龍城

同事 W 過了試用期
梗係要大事慶祝
因為同事們都好耐冇食過潮州菜
所以一致決定 ... 食潮菜 ... "打冷" 喇
潮菜少食 ... 就去了同事 W 介紹的 九龍城食汕頭澄海老四酒家
... 食呢餐咁豐富的午餐


8 個人叫到成枱餸 ~~ 先嚟個大合照 ~~

HK$240 兩隻凍蟹又幾抵喎 ... 仲有蟹膏的

家鄉炸豆腐 ... 外脆內滑，好濃的豆味 ... 未食過咁豆的豆腐

左 ~ 五香汕頭滷水鵝拼墨魚
右 ~ 鵝腸拼豆腐

鹹菜胡椒豬肚湯 ... 勁胡椒 ... 去濕 ... 正

居然 order 了三款炸物 ... 但三款都好好味 ... 全部掃哂

蠔餅 ... 好足料，唔會太多粉槳，GEL 住個口

水瓜烙 ... my favour，唔太油

南瓜烙 ... 個樣勁似日式的野菜餅，顔色七彩繽紛賣相勁吸引

食親打冷淨係識叫大眼雞
原來馬友都好好食的 ... 煎完再加醬汁蚊 ... 好好味

時令甜品 ... 薑薯綠豆爽糖水
仲以為是鮮百合綠豆爽
白雪雪一片片好似百合果 D 係薑薯片
薑薯 ... 第一次食咋 ... 幾特別 ... 冇咩味好清淡好爽口
呢個糖水唔係成日都有得食，是時令甜品
薑薯係呢個季節至有 ... 侍應叔叔話好貴的，有清熱的作用 ... 食多兩碗先

可口可樂 X 麥當勞 ... 南非世界盃限量版「可口可樂FIFA杯」

很多朋友都話今年世界的氣氛不太濃
對於唔識足球的我嚟講 ... 真係冇特別留意
直至前幾日在麥當勞見到有世界盃的精品換
至醒起今年 6 月就是世界盃的大日子

足球我就唔識喇
但 McDonald X 可口可樂的精品就 ... 好吸引喇
今次要搶的就係呢套  ....

可口可樂公司與麥當勞攜手推出 2010 世界盃限量版「可口可樂 FIFA 杯」系列
一套六款印有2010 FIFA世界盃經典腳法動作圖案的不同顏色「可口可樂FIFA杯」每款杯上的經典腳法動作圖案均做出倒掛金勾、頭搥、妙傳、撲救、窩利及射門等各種動作

咁有紀念價值的 2010 世界盃限量版「可口可樂 FIFA 杯」... 我就有一套喇
仲要速遞嚟 ... 大大盒的 ...

好心急呢 ... 拆開個包裹睇下先

嘩 ... 好靚的禮盒呀 ... 成個足球咁

上面仲有 麥當勞 + 可口可樂 + 2010 南非世界盃的 logo ... 好有收藏價值

再打開睇睇先 ... 6 款唔同顏色的可口可樂 FIFA 杯

eeeeeeeeeee ...... 盒蓋有個足球???

CD 嚟的 ~~

仲有 6 隻印上經典腳法動作圖案的 「可口可樂 FIFA 杯」
經典腳法動作分別為倒掛金勾、頭搥、妙傳、撲救、窩利及射門

其實之前麥當勞及可口可樂已經合作推出過呢款經典的弧形杯

今次又再 encore ???

「可口可樂弧形杯」由「可口可樂」公司設計，揉合了 30 年代可口可樂瓶的傳統弧型形狀及可口可樂玻璃瓶的經典坑紋。形狀獨特的「可口可樂弧形杯」更是「可口可樂」公司首個申請專利權的玻璃杯，讓消費者可手執設計別樹一格的「可口可樂弧形 杯」，享受可口可樂的冰涼暢快感覺。
『可口可樂經典弧形杯』已經成為了一個標誌、一個廣受消費者歡迎的收藏品。

2010 世界盃限量版「可口可樂 FIFA 杯」於麥當勞餐廳獨家推出，將這個引以為傲的傳統延續下去 ... 讓大家更投入比賽熾熱的氣氛當中

係咪好想換番套呢 ....

詳情 click 去 McDonald 官方網方網 http://www.mcdonalds.com.hk/chinese/campaign/fifa2010/

在 2010 年 5 月 6 日至 6 月 2 日期間，於麥當勞惠顧任何超值套餐加 $3.5 轉配大薯條及大汽水，即可免費獲贈2010世界盃限量 版「可口可樂FIFA杯」一隻，6款顏色分3星期推出。

如果想快人一步擁有全套「可口可樂FIFA杯」，更可以超值價$120 (原價$261) 購買「可口可樂FIFA杯」收藏版套裝。

在山頂過了一個好有意義的母親節 ~~

昨日講過兩隻小魔怪送我的禮物
但我地點過母親節呢?

有睇開我 blog 的朋友一定記得
我地參加了個 好有意義的母親節活動 ~~
有興趣可以去呢度重溫 http://hk.myblog.yahoo.com/estertingho/article?mid=3797&prev=3812&next=3718


日期 : 2010年5月9日 (星期日) 母親節
地點 : 香港 山頂道花園 (山頂廣場)
活動 : 第六屆母親節揹水步行籌款
組別 : 溫馨組
路線 : 山頂道花園→山頂迴步徑→山頂道花園 (全程約一小時)


我地就係著呢件大會送的 t-shirt 去步行籌款
呢套是我家第一套親子裝 ... 我地唔太鍾意著親子裝 ... 總覺得太刻意喇
T-shirt 上的圖案好 cutie 的 ... 有一大一小的小水點揹著水 ... 勁貼今次的主題

我地去到山頂廣場已經人頭湧湧 ... 好多參加者已經到場了

 

義工姐姐好好呀...見到我攞住張印水紙唔識貼，即刻過來幫忙
幫我地 3 個印到幾靚 ~~

一陣我地就係揹住呢個裝住水的竹簍參加步行籌款
身體力行體驗力行去感受長途跋涉挑水之苦
而我最想兩隻小魔怪從中體會水的珍貴 ... 珍惜用水

我和爸爸的大竹簍裝大大支的 5 公升水
仲以為今次活動是由屈記蒸餾水公司贊助

小朋友的小竹簍裝一支 500ML 水

1 2 3 ... 起步

今次活動亦歡迎狗狗參加 ... 狗狗都要揹水的

家姐和細佬都有帶佢地的愛犬嚟 ~~

玩吓、食吓、影吓相，好快就行完全程 ... 以我地的龜速，一個鐘真係行完喎
行畢全程 ... 仲有一張証書及禮物包
個禮物包都好豐富的 ...最緊要有好合用的驅蚊貼及舒緩疲勞的撒隆巴斯鎮痛貼

咁叻叻 ... 少少奬勵 ... 奬佢地食至愛的雪糕雪條消消暑

一個咁有意義的活動，來年都要再參加 ~~

兩隻小魔怪送我的母親節禮物 ~~

星期五放工返屋企已經收到細佬送的母親節禮物
一開門就話有禮物送比我
一束佢親手摺的紙花 + 一張心心形的咭
... 當然在幼稚園老師協助下完成

咭內頁是細佬畫的香腸人
左面 ↓ 細佬 ♥ 媽咪                                 右面 ↓ 爸爸 + 媽媽 + 細佬
家姐仔呢???

家姐仔就保持神秘 ... 比個驚喜我喎
到母親節當日至送比我的母親節咭及魔術屋一間 ... 仲有靚歌一首

學校都有母親節禮物送比 MaMa ... 就係筷子

自家製改良版鳳梨酥 ... 藍莓酥

今朝一返工，見到枱面有兩小包金色的東東 ???

原來是同事 K 女朋友整的愛心糕餅

好專業呀 ... 連包裝都咁精美

一打開袋... 好香的牛油味 ... 唔止外型似鳳梨酥，連陣香味都一樣

外型四四方方同埋金黃色的酥皮同鳳梨酥一樣 ... 淨係賣相已經 ++++分

但餡料就同鳳梨酥唔同 ... 梗係它是藍莓酥呀

餡料是紫色的藍莓醬 ... 唔太甜又好香的藍莓醬同酥皮好夾 ... 好好味

我老細話有 80 分 ... 小妹妹繼續努力 ... 整多 D 野比我地食

好有意義的母親節活動 ~~

今個星期日就是母親節喇

計劃了怎麼的節目與至愛的母親大人慶祝

我地已經計劃了一個好有意義的活動 點滴是生命 ~ 母親節揹水步行籌款

既是一個親子兼母親節活動，也可以籌款幫助國內乾旱地區籌建雨水窖

點滴是生命 ~ 宗旨
宗旨是

，自成立以來，點滴是生命投入各類的慈善工作，造福社群。主要的活動包括：為國內乾旱地區籌建集雨水窖、多次返回祖國內地偏遠地區賑災、助學、扶貧、及定期在全港
十八區為區內貧苦無依的長者舉辦大型慈善表演和派發物資，探訪老人院等。自 2004 年起，積極投入集雨水窖項目，現已為國內西北部乾旱地區建成23,800眼水窖，為超過12萬人改善缺水問題。



揹水步行籌款活動原來已經是第 6屆了
每位參加者需揹負5公升水步行，身體力行去感受長途跋涉挑水之苦。
同時，亦藉此別開生面的籌款方式引起社會各界關注國內西北部的乾旱問題。
詳情可參閱 點滴是生命的官方網頁 http://llcs.org.hk/index.php?tn=walk&ncid=2〈=tw