放假與儍爸又去了觀塘搵食和逛逛
好想飲珍珠奶茶，所以揀了食台灣菜 ~~
平時去食台灣菜都會點燒牛肉麵 ...
但居然比我見到較少見的 ... 花雕麻油雞湯麵 HK$78
即刻轉軚，點番碗先 ~~
還可以 +HK$12 配一杯飲品
我梗係揀杯 ... 半糖的冷珍珠奶茶
先呷一口花雕麻油雞湯，湯頭好清，油花不多
麻油香中帶著花雕的甜，有淡淡的中藥味，味道清爽不油膩
另外仲有一小杯花雕酒，鍾意酒味濃點可以自己加落去
唔好浪費，全部加哂落去一起食 ...
濃濃花雕酒香搭配滑溜的烏龍麵，滋味好吃仲好滋補添 !!!
配料都好豐富，有桂圓、冬菇、青菜、杞子
和帶皮無骨的雞肉捲，肉質嫩滑，入口啖啖肉，唔使噒骨咁麻煩 ~~
儍爸的 ...
蟹黃冷烏龍麵 HK$88
冷泡白桃烏龍茶 +HK$12
蟹黃的份量很足 ...
烏龍麵沾滿金黃色的蟹黃和蟹肉，入口鮮甜不腥，太幸福喇 !!!
還點了兩款小食 ...
炸花枝丸 HK$28
花枝丸炸到金黃色，大大粒好香好彈牙，裡面仲有很多花枝粒
鹽酥雞 HK$38
炸到外酥肉嫩，一口一粒，咸香惹味
一起食堂。觀塘
香港 九龍 觀塘 開源道 48 號 威利廣場地下 G5 號舖
** 以上分享是以我的口味、體質和情況作出分享及感受，一試 / 合用與否請自行決定
** 本網誌內所有文章和圖片均屬本人所有，歡迎參觀。圖文如欲轉載，請先聯絡
cheungester@gmail.com ! 如發現未經授權使用，本人將保留一切追究權利 ! 多謝合作 !
沒有留言:
張貼留言