天氣悶熱，冇咩胃口 ...
最好就是食點清爽開胃的涼拌菜
最好就是食點清爽開胃的涼拌菜
『蒜泥白肉』食材簡單、易做又好食
只要買件豬腩肉和青瓜就做到一大碟喇 !!!
儍媽就是買多了 ...
買了兩件豬腩肉煮了兩大碟 ...
最後剩了一碟就放入雪櫃留了隔日食 ...
如果用火煱的豬腩薄片也可以
做法更加簡單快捷，只要灼熟豬腩片放涼，再拌勻醬汁就食得 !!!
蒜泥白肉 ~ 食譜
食材：
帶皮豬腩肉 ... 一件 (約 300 g)
蔥 ... 適量
薑 ... 3 片
米酒 ... 1 湯匙
醬汁調味料：
蒜蓉 ... 2 茶匙
生抽 ... 1 湯匙
陳醋 / 黑醋 ... 1 茶匙
味醂 ... 1 茶匙
糖 ... 1 茶匙
麻油 … 適量
做法：
1. 豬腩肉洗淨汆水 (可以去除肉的腥臭味)
→ 將原條豬腩肉放入鍋內，加入蓋過肉的水，用中小火煮至微滾，即刻撈起用水洗淨
2. 重新煮一鍋滾水，加入豬腩肉、蔥、薑和米酒，煮滾後用小火加蓋煮 30 分鐘
3. 將煮好的豬腩肉取出，放入冰水中過冷河，吸乾水份，切片上碟
4. 將所有調味料拌勻 ，就食得囉 !!!
** 也可以拌以青瓜片一起食
** 以上分享是以我的口味、體質和情況作出分享及感受，一試 / 合用與否請自行決定
** 本網誌內所有文章和圖片均屬本人所有，歡迎參觀。圖文如欲轉載，請先聯絡
cheungester@gmail.com ! 如發現未經授權使用，本人將保留一切追究權利 ! 多謝合作 !
沒有留言:
張貼留言