所以就揀了他們 office 附近的美麗華商場開餐喇 !!!
好耐無嚟美麗華商場食飯，原來現在有很多食肆 ...
地點就哂他們，菜式當然要就下我 ~ ~
最近好想食豬手，就去食德國菜 Prost by King Ludwig
食德國菜當然要嘆番杯啤酒
而不鍾意飲啤酒的我今日也點了杯有少少酒精的 berrymojito
裡面有很多薄荷葉 ... 我至鍾意薄荷清爽的味道
酸酸甜甜的果味、帶點苦苦香香的冧酒、再加埋好清爽的薄荷，用嚟配豬手一流
先來 海鮮德國啤酒湯
德國人愛飲啤酒，估不到啤酒都可以用來煮湯
一上枱就聞到濃濃的啤酒香味，連不鍾意啤酒的我也很想飲
湯裡面有三文魚、青口和大蝦，很足料呢 !!!
原來啤酒的麥香可以提升海鮮的鮮味，海鮮。啤酒。湯。又真是幾夾喎
煙燻三文魚希靈魚拼盤 ... 賣相很靚呢 !!!
最欣賞中間的『蛋糕』，是用紅菜頭和雞蛋做的
味道較清淡，但是我很鍾意喎 !!! 很鍾意這種清新又健康的味道 ~ ~
蔬菜意大利意粉配香草醬
意粉沾滿了以羅勒葉、松子、芝士、香蒜和橄欖油做成的香草醬汁，入口幼滑順口
終於到了我期待 ... 也都是這兒的招牌菜 ... 脆皮燒豬肘配酸椰菜和薯仔
好大隻的燒豬手 ~ ~
當大家的相機食完後，我們望住咁大隻的燒豬手 ... 真是唔知點入手之際
店員好醒目的拎到我們枱則的車仔上面切豬手，只見他手法熟練的三兩下手勢就切好喇
外皮燒到脆卜卜、裡面的肉仲好嫩滑，味道不會過咸
除了可以點少少黃色的芥末醬一起食，還可以配啡紅色的蜜糖芥末醬一起食
我鍾意帶蜜糖香、甜甜地又有少少芥末味的蜜糖芥末醬多點
最後當然要食埋甜品 ... 鮮焗特濃朱古力配呍喱嗱雪糕
餐廳位於商場的三樓平台，在大型露天花園設有露天座位
露天花園停泊了架將於 5 月投入服務的 Food Truck
下次要再嚟試下先 ~ ~
Prost by King Ludwig
香港 九龍 尖沙咀 彌敦道 132 號 美麗華商場 3 樓 3013A&B 號舖
** 以上分享是以我的口味、喜好和情況作出分享和感受， 一試 / 合用與否請自行決定
沒有留言:
張貼留言