2015 東京近郊 8 天食買玩 ... 雪糕篇

【2015 年 7 月】


東京的天氣與香港一樣咁熱 ... 應該是熱過香港至啱
所以又有藉口比我食 ... 我們在這幾天日日都食雪糕 ... 食了很多雪糕呢!!!

食雪糕梗係去便利店搵喇 !!!
日本的便利店都是梗有一間係左近 ... 咁方便

日本便利店的雪糕種類真是好多 ... 有選擇困難症的我們，每次在雪糕櫃都諗好耐至揀到

便利店有多款期間限定的 Haagen Dazs 雪糕 ...
但是至抵食的 Haagen Dazs 居然是在 御殿場 Outlet 內的 Haagen Dazs 專門店
而且口味仲好齊 ...

價錢真是不太記得 ... 只記得包裝較高貴的 Special Edition 版 Antoinette 最貴 297yen+稅
其它的好似是  195yen+稅

心急的儍爸，一拎起支 Green Tea Chocolat Crispy Sandwich 無等我影相就食了囉 !!!
脆脆夾心三文治一向都咁好味，今次換上綠茶雪糕和朱古力脆皮 ... 當然更好味喇 !!!

一打開這杯  Antoinette 就見到上面有閃閃的金箔 ... 很高貴的雪糕
也很有層次 ... 底層是蛋糕、中間和面層是以波爾多的葡萄酒製成製成的雪糕和醬汁
所以食落去有濃濃的紅酒香味

Lemon Ginger Float 檸檬薑味雪糕
雲呢拿雪糕混合了檸檬薑味的雪葩，檸檬的酸味和薑味很特出，遮蓋了雲呢拿味
但是我鍾意這種檸薑味 ... 酸酸甜甜的 ... 很消暑

 

和栗味雪糕 ... 甜甜地有香濃的栗子味

這款雪糕波波見過三款味道 ... 巨峰、桃和梨 ... 三款都是期間限定的水果
本來諗住試哂三款，最後只是試了巨峰和桃味

外層是脆皮，裡面分別是桃味雪皅夾桃味果肉和巨峰雪皅夾巨峰果肉

這包不是飲品，是唧嚟食的雲呢嗱雪糕，質感好似軟雪糕，食落去有點碎冰粒

包裝成支汽水咁的 ... 汽水味雪皅

 LAWSON 買到的 Uchi Cafe Frappe 芒果沙冰 ... 好似是 260 YEN + 稅
付款後，店員放入微波爐解凍一陣至比我們
底層是芒果沙冰，面層有很多芒果粒的

 

士多啤梨雪條 ... 裡面有很多士多啤梨果肉，食落去有點啫喱口感

大大字「爽」字雪糕食了三款口味 ...
牛乳味 ... 好濃好滑的牛奶味雪糕
西瓜味 ... 西瓜味雪皅，裡面還有黑色粒粒的西瓜籽 ... 食落去酸酸地的
宇治抺茶味 ... 囝囝至愛的香濃抺茶

 

** 以上分享是以我的口味、喜好及情況作出分享和感受，一試 / 合用與否請自行決定