冇工人姐姐的日子~第2日

昨晚同 2 隻小魔怪一齊瞓, 出奇地舒服, 佢地一覺瞓天光, 咁我都可以瞓得好 D.

家姐好乖咁刷牙換衫返學, 細佬當然又係我出門時扭一陣計, 但姨姨氹咋又OK喎.

細佬仲乖呀, 婆婆及姨姨朝早帶佢去飲早茶, 佢自己好乖咁坐係度食野, 食完野攞支筆筆畫畫, 冇攪攪震喎 .... 仲犀利到全程自己行, 唔洗婆婆抱.

兩老真係好利害, 帶住細佬飲完早茶去買埋餸, 今晚有 4 餸一湯, 好豐富呀, 仲好食用過平時. 如果日日有婆婆靚湯飲就好喇! 但明日婆婆要返工喇, 又要出街食

4餸一湯 ~~ 花膠螺頭煲雞湯, 陳皮蒸烏頭, 灼菜心, 洋蔥煎牛扒, 釀茄子