【氣炸鍋料理】簡單易做 下午茶 ♥ 氣炸西多士。氣炸奶皇包。氣炸蕃薯

一直都想買個氣炸鍋
農曆新年前終於入手買了喇 !!!



新手開鍋 ...
就整件 氣炸西多士 試吓新爐先 ~~

材料簡單〈麵包 2 塊、雞蛋 1 隻、花生醬、牛油、糖漿〉
不用一滴油就可以做到美味可口的西多士 ~

麵包塗上花生醬後，均勻沾上蛋漿浸約 3 分鐘
放入已預熱氣炸鍋，用 180 度 4 分鐘，反轉再 3 分鐘
加牛油和糖漿就食得喇 !!!



新年的時候
當然有用嚟氣炸年糕、蘿蔔糕 ...
噴少少油在糕點上面再去氣炸
比用鍋煎用少好多油，入口無咁油膩，健康好多 ~~

氣炸奶皇包 簡單到囝囝自己都會動手做
無需解凍，只要在冰箱拎幾個奶皇包放入已預熱氣炸鍋
用 160 度 6 分鐘，轉 180 度再 3 分鐘
再加多壼清熱明目的菊花杞子茶就是一頓豐富的下午茶 ~

還可以做氣炸菜肉包、氣炸饅頭、氣炸蓮蓉包 ...



最近愛上了 氣炸蕃薯
儍爸放工在超市買了包韓國安東蕃薯 HK$2X
估不到用氣炸鍋做出來的蕃薯香甜好味 !

氣炸的時候，成屋都係煨蕃薯香味，超邪惡呀 !

將清洗乾淨的蕃薯放入已預熱氣炸鍋 180 度 20 分鐘，就做到煨蕃薯的味道 ~
韓國安東蕃薯外型飽滿，薯肉呈金黃色，甜度高，入口鬆軟 ~



之後路過 HKTVmall 見到這款台灣沙蜜地瓜做緊特價
HK$18 包咁幾抵食又買了包返嚟氣炸喇 !

台灣沙蜜地瓜是紅薯，外型窄身瘦長，
皮薄肉軟，薯肉橙黃色，香味軟糯，吃起來無渣

儍媽較喜歡水分和甜度較高的韓國安東蕃薯



食咁多氣炸食物
要煮番個『雪燕桃膠雪耳桂圓無花果糖水』清熱降脂和潤燥養顏，平衡一下 ~~


** 以上分享是以我的口味、喜好和情況作出分享及感受，一試 / 合用與否請自行決定