【黃埔 食記】豐富的周末午餐 ♥ 香港居食屋和民

和民出了新餐牌一於去試下先 ~~
但是有選擇困難症的我最後都是揀了份好豐富的午市套餐
再配多個新推出的 ... 橫濱風 味噌牛肉火鍋與儍爸一起分享 ~~



周末都有午市套餐，真是啱哂咩都想食的我 ...
套餐有前菜、湯、沙律、壽司卷盛 (3 種)、天婦羅配冷蕎麥麵和甜品

天婦羅炸漿又薄又脆，冷蕎麥麵仲好大份，配冷麵汁味道清爽
之後我們還配了橫濱風 味噌牛肉火鍋的濃湯一起食
即時變了另一種風味 ... 味道惹味好多，一樣都咁好食



雖然是午餐跟配的壽司卷，但是一點都不馬虎，還有 3 款不同口味 ...

壽司卷裡面有青瓜、蟹柳和紫菜
上面配上三文魚和蟹籽、芒果和蟹籽、還有燒牛肉

儍媽最鍾意味道清新又開胃的芒果壽司卷 !!!



甜品是儍媽最愛的紅豆蓉配小丸子 ~~

唔夠喉的話仲可以優惠價選配抹茶甜品 ...



跟餐的飲品選擇也多，除了咖啡、奶茶、檸茶檸水 ...
也有柚子蜜、柚子梳打、蜂蜜生薑茶 ...
儍媽點了杯蜂蜜生薑梳打，另外杯凍檸茶是儍爸單點的



橫濱風 味噌牛肉火鍋 ... 有一大盤牛肉和野菜，份量十足又豐富 !!!



好彩之前見到網友提供的秘技
而落單時又記得與店員講『我要用秘技』... 至有張秘技卡和隠藏餐具 ~~



我們跟著秘技卡的煮法
先用牛油煎封牛柳粒四面鎖住肉汁後，夾起備用
將野菜加入佈滿牛肉精華的鍋炒一陣，再加入味噌濃湯煮滾
最後放入煎好的牛柳粒煮一陣就食得 ~~



味噌湯超濃郁，又不會死鹹
牛柳粒吸滿了味噌濃湯不需沾醬汁就咁入口，味道啱啱好
切成粒狀的牛柳大大件，很有口感和嚼勁，但一點都唔靭



張秘技卡除了有教煮出美味牛肉鍋的食法之外
亦是一張 HK$50 現金卷比你下次用 ...

下次要試埋其它新菜色 ...
原隻雞腿豚骨拉麵、脆炸日本有機蕃薯伴雲呢拿雪糕、和風煙肉香菇比薩 ...



香港居食屋『和民』 Watami Japanese Casual Restaurant
香港 九龍 紅磡 黃埔新天地 時尚坊 (第 2 期) 地下 B9-10 號舖
香港官方網站 http://watami.com.hk/
Facebook Fans Page https://www.facebook.com/watami.hk/

** 以上分享是以本人的喜好、口味和情況作出分享及感受，一試 / 合用與否請自行決定