咁又比機會我和囡囡撐枱腳 ... 去食儍媽至鍾意的日本菜
路過銅鑼灣廣場第一期隔離的商廈門口
就比這個二人前季節限定套餐吸引著
既有儍媽愛吃的刺身又有囡囡想食的壽司和牛肉鍋
而且價錢又唔貴 ...
兩人套餐只是 HK$398
有前菜、沙律、刺身、壽司、小食、鍋物和甜品
一坐下就奉上熱茶和超甜的牛油粟米，真是啱哂肚餓的我倆
先來，配搭好特別的前菜 ...
脆爽的蟹子和蔬菜、拌著鮮味的海膽和酸甜的柚子啫喱，好醒胃呢 !!!
餐套可以在黑松露帶子沙律和蟹王蟹子沙律兩選一
與我一樣是蟹痴的囡囡揀了 ... 蟹王蟹子沙律
原來蟹王是她愛吃的軟殼蟹，仲要是一整隻的炸軟殼蟹
炸到和脆又不油膩的軟殼蟹配上蟹籽和蟹棒沙律，完全滿足到我們兩個蟹痴 ~~
接著就是四品盛刺身 ... 有肥美的三文魚和油甘魚，鮮甜的帶子和甜蝦
壽司有花之戀、池魚壽司、左口魚壽司和蔥吞拿魚卷
全部都是我倆愛吃的口味，而且每款都有兩份，咁就唔會爭食囉 !!!
小食就是 ... 鵝肝多士拼燒
鵝肝好大塊，煎至微焦，油香滿溢，配上脆卜卜的多士一起食，真是太滋味 !!!
記住要趁熱食喔 !!!
一品料理就是 ... 燒汁露筍牛肉卷
鮮嫩爽脆的露筍配上香濃的燒汁牛肉，健康又好味
本來鍋物我想揀磯燒鮑魚海鮮鍋
但是囡囡話想食雪花牛肉鍋，我這個廿四孝媽媽當然要遷就她 ~ ~
其實食到這兒 ...
我們兩個都已經飽到捧著肚皮 ...
但是見到豐富的雪花牛肉鍋，我們又忍不住口 ...
牛肉鮮嫩不油膩，仲有鮮甜的蔬菜，一下子又被我們掃清光
最後，還有甜品 ... 小巧的心太軟作結
蕎道樂居酒屋
香港 銅鑼灣軒尼詩道 499 號 永光商業大廈 地庫
** 以上分享是以我的口味、喜好和情況作出分享及感受，一試 / 合用與否請自行決定
沒有留言:
張貼留言