趁著學校放早，我和囝囝就有機會去嘆杯龍貓特飲和食個晏
位於王子大廈 5 樓的 Lava Java Cafe 環境闊落，樓底又夠高
兩邊仲有倘大的玻璃窗，加上木系的設計，予人清新舒服的感覺
去到剛過了午市的 peak hour，所以餐廳不太多食客
點午市套餐仲可以享有 88折優惠 ~~
我們點了兩份午餐，包了是日餐湯和飲品
是日餐湯配麵包 ... 餐湯有兩款任揀
囝囝點了香甜的忌廉粟米湯，儍媽就點了羅宋湯
麵包熱過才上枱，暖笠笠好好食
囝囝的 ... 香煎豬扒配黑松露雜菌燒汁配薯菜 HK$96
兩大塊豬扒很夠份量，煎得很香，入口唔會乾乾的
我的 ... 日式鰻魚粒雜菜炒飯 HK$96
炒飯裡面有很多鰻魚粒，每粒米飯沾滿滋味的醬汁
裡面的雜菜粒和粟米粒食落去很有口感
仲有面層有一大片鰻魚，真是好滿足呢 !!!
我和囝囝都以半價點了兩杯特飲
愛凍飲的囝囝點了杯 ... 芒果蘆薈青檸特飲 +HK$17
為了隻趣緻龍貓而來的儍媽，當然是點番杯龍貓朱古力 ...
可以揀焦糖或薄荷朱古力，儍媽就點了杯 ... 薄荷龍貓朱古力 +HK$19
濃郁又香甜的熱朱古力加上清新的薄荷 ，入口較清爽又無咁甜膩
不只賣相吸睛，味道都不錯的
Lava Java Cafe & Restaurant
香港 九龍 觀塘 開源道 71 號 王子大廈 5 樓 B 室
** 以上分享是以我的口味、喜好和情況作出分享及感受，一試 / 合用與否請自行決定
沒有留言:
張貼留言